ယဉ်တကိုယ်မယ်

အချစ်

2011-02-11T21:41:00.000-05:00

ဖြူတုတ်နဲ့ Duet ဆိုနေကျ aungtun1 ရဲ့အကူအညီနဲ့ဆိုထားတာပါ။ နှစ်ယောက်လုံး အသံဝင်ပြီး ပြန်ထွက်ခါစအချိန်မှာဆိုထားတော့ vocalwise တော်တော်လေးကို အားနည်းပါတယ်။ ပန်းလေးတွေကို အမှတ်တရသိမ်းထားချင်လို့ တင်လိုက်တာပါ။ ဖြူတုတ်ရိုက်ထားတာ မဟုတ်ပါဘူး။ Longwood Garden ကိုသွားလည်ရင်းနဲ့ သူငယ်ချင်းရိုက်လာတာကို ယူသုံးထားပါတယ်။

ကျေးဇူးတင်ပါတယ်
ဖြူတုတ်လေး

သံယောဇဉ်တစ်မျှင်

2011-02-10T20:18:00.000-05:00

သံယောဇဉ်ဆိုတာ.... ယေဘုယျအားဖြင့်တော့ လူတစ်ဦးမှ အခြားလူတစ်ဦးအပေါ် (သို့) ပစ္စည်းတစ်ခုအပေါ် (သို့) သတ္တဝါလေးတစ်ကောင်အပေါ် စသည် စသည်ဖြင့် အချိန်အတိုင်းအတာ တစ်ခုအတွင်း ပေါ်ပေါက်လာတတ်တဲ့ စိတ်ခံစားချက်တစ်ခုလို့ ဖြူတုတ် နားလည်ထားပါတယ်။ ဒီဝေါဟာရလေးနဲ့ ပတ်သက်ပြီး ဖြူတုတ်ရဲ့ဘဝမှာ အမှတ်ရစရာ အဖြစ်အပျက်ကလေးတွေ ရှိခဲ့ပါတယ်။ အခုပြောပြချင်တဲ့ အကြောင်းအရာလေးကတော့ ထူးထွေဆန်းပြားမှုတွေနဲ့ တန်ဆာဆင်ထားတာ မဟုတ်ပေမဲ့ ဒီဝေါဟာရလေးရဲ့ အနက်အဓိပ္ပါယ်ကို ထင်ဟပ်စေတယ်လို့ ပေါ်လွင်စေတယ်လို့ မြင်မိပါတယ်။

လွန်ခဲ့တဲ့ (၁၈)နှစ်ကျော်အချိန်ကာလက ဖြူတုတ်တို့မိသားစုဟာ မြို့နဲ့အလှမ်းဝေးတဲ့ ရပ်ကွက်အသစ်လေးတစ်ခုသို့ ပြောင်းရွှေ့လာခဲ့ပါတယ်။ ရပ်ကွက်အဖြစ် ရုပ်လုံးပေါ်စဆိုတော့ ရပ်ကွက်အလယ်ပိုင်းမှာသာ ပြောပလောက်အောင် လူနေအိမ်ခြေရှိပြီး ဟိုဖက်အစွန် ဒီဖက်အစွန်မှာကျတော့ အိမ်ခြေမရှိသလောက်ပါပဲ။ ဖြူတုတ်တို့ ပြောင်းလာတဲ့ အပိုင်းက မြို့ထဲနဲ့ပိုနီးတဲ့ ရပ်ကွက်အဝင်ပေါ့။ ဒီရပ်ကွက်ကလေးရဲ့မြေပေါ်မှာ ခြေချချချင်း ဖြူတုတ်တွေးမိတာကတော့ အဂါဂြိုဟ်ပေါ်မှာ အိမ်ဆောက်နေရင် ဒီလိုနေမှာပဲလို့။ ဟုတ်တယ်လေ... အိမ်အဝင်မှာ ကျင်းချိုင့်လေးတွေနဲ့ ပြည့်နှက်နေတဲ့ မြေသားနီနီလမ်းလေးက သက်သေပဲ။ ဗိုလ်ချုပ်လမ်းမကြီးမှ လှမ်းကြည့်လိုက်ရင် ဖြူတုတ်တို့ရဲ့ ဆေးအဖြူသုတ်ထားတဲ့ မီးခိုးရောင်ပြတင်းရွက်လေးတွေနဲ့ အိမ်က ထီးထီးကြီး။ လမ်းမကြီးမှ ဆင်းလာလိုက်ရင် ဖြူတုတ်တို့အိမ်ထိရောက်အောင် အိမ်လေးငါးအိမ်စာလောက် လမ်းလျှောက်ရမယ် ထင်တယ်။ လမ်းထောင့်အိမ်ဖြစ်တော့ အိမ်ရှေ့နဲ့အိမ်ဘေး (လက်ယာ)မှာ လမ်းများရှိပြီး၊ အိမ်နောက်နဲ့အိမ်ဘေး (လက်ဝဲ) ကျပြန်တော့ သူဋ္ဌေးတစ်ဦးရဲ့ ငွေပိုငွေလျှံများနဲ့ ဝိုင်းရံခြင်း ခံထားရပြန်ပါတယ်။ (ရေခဲတောင် အအေးဆိုင်ပိုင်ရှင် သူဋ္ဌေးက ငွေတွေပိုလို့ ဝယ်ထားတဲ့ ခြံတွေပါတဲ့။) သူဋ္ဌေးရဲ့ခြံထဲမှာ မုံရွာမြို့ရဲ့ ခြံဝင်းတိုင်းလိုလိုမှာရှိတဲ့ တမာပင်တချို့ရှိတဲ့အပြင် လူမနေသောကြောင့် ချုံပုတ်များ၊ အလေ့ကျပေါက် တောရိုင်းပင်များနှင့် ထူထပ်လှပါတယ်။ အဲဒီတော့ လာအစာရှာဆော့ကစားတဲ့ စာကလေးများ၊ ချိုးကလေးများ၊ ဆက်ရက်ကလေးများ၊ တခါတရံ တောကျက်တူရွေးလေး တစ်ကောင်စနှစ်ကောင်စ၊ သျှဉ့်ကလေးများ၊ အခြားသတ္တဝါငယ်ကလေးများနဲ့ သာယာနာပျော်ဖွယ်ဆိုပါစို့။ မွန်းကျပ်ဆူညံလှတဲ့ မြို့ထဲလိုနေရာမျိုးကို မနှစ်သက်တဲ့ ဖေဖေလိုလူအတွက်တော့ ဒီရပ်ကွက်လေးရဲ့ အေးချမ်းဆိတ်ငြိမ်မှူကို ချီးမွမ်းလို့မဆုံးတော့။ အလုပ်နဲ့ပိုနီးသွားလို့ ပိုသဘောကျတာလဲ ပါတာပေါ့။ ဖြူတုတ်တို့ ကလေးတွေအတွက်လည်း နေရာသစ်ဖြစ်ပြီး အမြင်ဆန်းနေတော့ ဘာမှန်းမသိဘဲနဲ့ကို ပျော်နေတာ။ အဲဒီအပျော်များဟာ ညအချိန်လဲရောက်ရော နေလုံးကြီးနဲ့အတူ ပျောက်ကွယ်သွားတယ်ထင်ပ။ ညဉ့်နက် လူခြေတိတ်ချိန်များဆိုရင်... အိမ်မြှောင် နံရံပေါ်မှာ ရှပ်သွားတဲ့အသံတောင် ကြားနိုင်လောက်တဲ့အထိ တိတ်ဆိတ်လှတဲ့ ရပ်ကွက်ကလေး။ ကိုရွှေတောက်တဲ့ကလဲ ဟောလိုက်ရတဲ့ မိုးလေဝသဗေဒင်။ ဆိတ်ငြိမ်တဲ့ညအချိန်မှာ 'အောက်အဲ့' ဆိုတဲ့အသံလောက် စိတ်ကို ခြောက်ခြားစေတာ မရှိဘူး။ ကိုယ့်ကို လာတွယ်ကပ်တော့မှာပဲ ဆိုတဲ့အတွေးနဲ့ အရမ်းကိုကြောက်တာ။ ခွေးကပါအူလိုက်လို့ကတော့ ကိုယ့်ကုတင်ကနေ ညီမလေးရဲ့ ကုတင်ပေါ်ကို Bruce Lee သိုင်းကွက်နင်းပြီး အမြန်ကိုရောက်တာပဲ။ (ဟုတ်တယ် ညီမလေးက ဖြူတုတ်ထက် နှစ်နှစ်သာပိုငယ်တယ်။ သတ္တိကတော့ အပြန်နှစ်ရာလောက် ပိုကောင်းတယ်။ ) ကလေးသာသာဆိုတော့ ဟိုအသံမြည်လည်းကြောက်၊ ဒီအသံကြားလည်းကြောက်နဲ့ စိတ်အနှောက်အယှက် ဖြစ်ခဲ့ရချိန်တွေ ရှိခဲ့တာ သိပ်တော့မဆန်းပါဘူးလေ။ ဖြူတုတ်အတွက် အထူးစိတ်အနှောင့်အယှက် ဖြစ်စရာတစ်ခုရှိသေးတယ်။ အဲဒါကတော့ မြို့တည်ကာစ ရပ်ကွက်မကျ တောအုပ်မက ဖြစ်ခြင်းရဲ့ အားနည်းချက်တစ်ခု လို့ဆိုရမလားဘဲ... ချိုး၊ ဆက်ရက်အစရှိတဲ့ ငှက်ပစ်သူ ပေါများခြင်းပါပဲ။ ခဲမှန်ထားတဲ့ ငှက်ကလေးများဟာ မကြာခဏဆိုသလို ဖြူတုတ်တို့ရဲ့ လသာဆောင်ပေါ်မှာ လာရောက်ဇီဝိန်ချုပ်ကြရရှာတယ်။ လသာဆောင်ဟာ ဖြူတုတ်တို့ညီအစ်မနှစ်ယောက် စာကျက်တဲ့နေရာနဲ့ တဆက်တည်းဆိုတော့ 'ဘုတ်' ဆိုတဲ့အသံကြားတိုင်း ဒိုင်ခံထကြည့်သူကတော့ ညီမလေးပေါ့။ ဖြူတုတ်ကတော့ ဘာကြောင့်မှန်းမသိ၊ ငှက်ကလေးများ အတုန်းအရုန်း ဖြစ်နေပုံကိုကြည့်ရတာ စိတ်မကောင်း ဖြစ်တဲ့အပြင် အူပါယားတဲ့အတွက် ထွက်မကြည့်ဖြစ်တာ များပါတယ်။ ထွက်ခဲ့ရင်တောင် မျက်နှာကို လက်ဖဝါးနဲ့အုပ်ပြီး လက်ကြားကလေးတွေမှပဲ ကြည့်ရဲပါတယ်။ ဖြူတုတ်မှာ Phobeiaတစ်ခုရှိတယ်။ ခွေးကလေး၊ ကြောင်ကလေးတွေ ကလွဲရင် တခြား အမွှေးအမှင်ပါတဲ့ အကောင်ခပ်သေးသေးများကို မထိရဲမကိုင်ရဲတဲ့ ပြသနာပါပဲ။ (ဖြူတုတ်ကို ရယ်နေကြပြီလား မသိဘူး)

ဖြူတုတ်တို့ ပြောင်းလာပြီး လအနည်းငယ်ခန့်အကြာ စနေနေ့တစ်နေ့ရဲ့ ပူအိုက်အိုက် ခြောက်ကပ်ကပ် နေ့လယ်ခင်းမှာပေါ့... ညီအစ်မနှစ်ယောက် ခေါင်းချင်းဆိုင် အိမ်စာလုပ်နေတုန်း လသာဆောင်ဖက်ဆီမှ တောင်ပံတဖျတ်ဖျတ်ခတ်သံကို ကြားမိကြတယ်။ နှစ်ယောက်သား 'ဟာ... ရှင်တဲ့ ငှက်ဟ' ဆိုတဲ့ရုပ်နဲ့ ပြေးအထွက်၊ လသာဆောင်ရဲ့ သမံသလင်းပြင်ပေါ်မှာ ထပျံပြေးထွက်ဖို့ အစွမ်းကုန် ကြိုးပမ်းနေတဲ့ ညိုခြောက်ခြောက်အရောင် ငှက်ကလေးတစ်ကောင်ကို တွေ့ကြတယ်။ စာကလေးထက်တော့ အရွယ်နဲနဲကြီးတယ်။ လက်ရဲဇက်ရဲရှိတဲ့ Future Doctor ညီမလေးကတော့ ငှက်ကလေးကို ဆတ်ခနဲ ကောက်ကိုင်လိုက်ပြီး ဒဏ်ရာကို သည်းကြီးမည်းကြီး ရှာတော့တာပါပဲ။ ဖြူတုတ်ကလည်း ဒဏ်ရာသိပ်များနေသလားဆိုတဲ့ မျက်ကလဲဆန်ပြာ ရုပ်နဲ့ပေါ့။ အဆိုးထဲက အကောင်းလို့ပဲပြောရမယ်... သွေးထွက်သံရို မရှိပါဘူး။ ဒါပေမဲ့ ညာဘက်ခြေထောက်လေး တစ်ချောင်းကတော့ သိမ်ပြီးတွဲလောင်းကလေး ဖြစ်နေတာကို သတိထားမိကြတယ်။ ဓာတ်ကြိုးပေါ်နားရင်းများ ဓာတ်လိုက်လေသလားမသိ? နို့မဟုတ် ခဲများမှန်လေသလား? ဒီလိုနဲ့ပဲ ဖေဖေ၊မေမေတို့ဆီ ခွင့်တောင်းပြီး ဖြူတုတ်တို့ရဲ့ ငှက်ကယ်ဆယ်ရေးကို စကြရတော့တာပေါ့။ ခက်တာက ဖြူတုတ်တို့က ခွေးကလေးတွေပဲ မွေးဖူးတာဆိုတော့ ငှက်ကိုဘယ်လို ကိုင်တွယ်ပြုစုရမယ်ဆိုတာ သိပ်မသိကြဘူး။ ငှက်လှောင်အိမ်လည်း မရှိဘူး။ ဆိုတော့ ငှက်သိုက်ဆောက်ပေးမယ်ပေါ့။ ဒါဆို ကောက်ရိုးလိုတယ်။ ဒါလဲ မရှိဘူး။ လွယ်လွယ်ပဲ ဂုံဏီအိတ်ကို ကပ်ကြေးနဲ့ကိုက်၊ ထန်းခေါက်ဖာကလေးထဲထည့်ပြီး အသိုက်ဆောက်ပေးလိုက်တယ်။ နေရေးတော့ပြီးပြီ။ သူ့အတွက်က ဝတ်ရေးမလို။ အရေးအကြီးဆုံးက စားရေးပဲ။ ဒါဆို ဘာကြွေးကြမှာလဲ။ ဖေဖေတို့ ကိုယ်တိုင်ကိုက ဘာငှက်မှန်း မပြောနိုင်တော့ အခက်ပဲ။ ရေကို မှင်စုပ်တံနဲ့ တစက်စီချပေးတာကိုတော့ သောက်တယ်။ ဆန်စေ့ကလေးတွေ ချပေးတော့ မတို့ဘူး။ သိပ်ကြောက်နေလို့လား မသိ။ သူ့ကိုကြည့်လိုက်တော့ အရမ်းကို ကတုန်ကရင်ဖြစ်နေတယ်။ ဖြူတုတ်က တစ်ညလောက်စောင့်ကြည့်ရအောင်လို့ အဆိုပြုလိုက်တယ်။ ညီမလေးနဲ့ သဘောတူညီချက်ရပြီးနောက် ခြေထောက်နာနေတဲ့ သူ့ကို ဘေးတစောင်းလေး လှဲပေးပြီး နွေးအောင် စောင်ကလေး(အရုပ်မအတွက် ထဘီချုပ်မလို့ သိမ်းထားတဲ့အဝတ်စ) ခြုံပေးလိုက်တယ်။ မေမေက စာဖတ်ခန်းမှာ ထားခဲ့လို့အမိန့်ချပေမဲ့ ဖြူတုတ်တို့နှစ်ယောက် ထန်းခေါက်ဖာကလေးကို အိပ်ခန်းထဲထိ တိတ်တိတ်ကလေး သယ်လာခဲ့ကြတယ်။ သူ့ကို စိတ်မချဘူးလေ။ နှစ်ယောက်သား တညလုံး သိပ်တောင်မအိပ်ဖြစ်ကြဘူး။ သူ့ကို လက်နှိပ်မီးနဲ့ ထိုးပြီး အသက်ရှင်မရှင် စစ်နေကြရတာနဲ့လေ။ သူလည်း ဖြူတုတ်တို့ကြောင့် မအိပ်ရပါဘူး။ မျက်လုံးပြူးလေးနဲ့...

ဒီလိုနဲ့ပဲ မိုးလင်းလာတယ်။ အိပ်ရာကလာနှိုးတဲ့ မေမေက ဒီထန်းခေါက်ဖာလဲမြင်ရော စကားနားမထောင်ရလားဆိုပြီး ဆူခံလိုက်ရတာ မပြောပါနဲ့တော့။ နောက်တခါ စကားနားမထောင်ရင် ဒီငှက်ကို ဒီအတိုင်း ပြန်လွှတ်လိုက်မယ်လို့ ခြိန်းခြောက်တယ်။ ညီအစ်မနှစ်ယောက် ဆင်ခြေဆင်လက် မျိုးစုံတက်ပြီးတော့ ငှက်ကလေးကို မနက်စာကြွေးဖို့ လုံးပမ်းကြတော့တာပါပဲ။ ဒီတခါတော့ ဘီစကွတ်မုန့်လေးတွေ ချေပြီးချကြွေးကြည့်တယ်။ မတို့ဘူး။ ထမင်းလုံးလေးတွေ ကျပြန်တော့လည်း အင်တင်တင်။ ဒါဆိုရင်တော့ သူ့အစားကိုစောင့်နေလို့ မဖြစ်ချေဘူး။ အာဟာရပြတ်ပြီး သေသွားလိမ့်မယ်။ သူ့ကို ဇွတ်အတင်း ခွံ့ကြွေးရအောင်လို့ပြောတော့ ညီမလေးကလက်ခံတယ်။ ဖြူတုတ်ကတော့ 'လေ'ပဲရတယ်လေ ... ငှက်ကိုမှ မထိရဲတာ။ ဘီစကွတ်မုန့်ကို နွားနို့နဲ့ ခပ်ပျစ်ပျစ်ဖျော်ပြီး ညီမလေးက သူ့နှုတ်သီးနားမှာ သုတ်ပေးတယ်။ ဟော... သူ့ပါးစပ်ကလေး ဟလာပြီး တမြုံ့မြုံ့လုပ်လာတယ်။ (ငှက်ကလည်း ဒါမျိုးကြိုက်တတ်သကိုး။) ညီမလေးကလည်း အားတွေတက်လာပြီး ဆက်ဆက်ပြီး ခွံ့ပေးတယ်။ မုန့်တစ်ချပ်အကုန်မှာ မေမေက ငှက်စားပိုးနင့်လိမ့်မယ် တော်တော့ဆိုမှ အကြွေးရပ်ပြီး နှစ်ယောက်သား ရယ်မိကြသေးတယ်။ အစာနဲ့ရေလေး ဝင်သွားတော့ သူ့ကိုကြည့်ရတာ ပိုလန်းလာသလိုပဲ။ Sunday တစ်နေ့လုံးကတော့ ငှက်ကိုပြုစု(ဆော့)နေတဲ့ အကြောင်းပြချက်နဲ့ နှစ်ယောက်လုံး Freeရိုက်ပြီး စာမဖတ်ကြတော့ဘူးလေ။ ညနေစာကိုလည်း မနက်ကအတိုင်းပဲ ကြွေးတယ်၊ သူမြိန်ရှက်စွာ အားပေးတယ်လေ။ ခက်တာက နောက်နေ့ဆိုကျောင်းတက်ရတော့မယ်။ သူ့ကို တစ်ကောင်တည်း ထားခဲ့ရမှာစိတ်မချဘူး။ အိမ်ကကောင်တွေ(ဖြူတုတ်အချစ်တော် ခွေးများ)က သိပ်စိတ်ချရတာ မဟုတ်ဘူး။ ဒါပေမဲ့လဲလေ ကျောင်းကိုသယ်သွားလို့မှရတာ မဟုတ်ဘဲ။ မေမေ့ကို နားငြီးရလောက်အောင် ဂရုစိုက်ပါလို့ အတန်တန်မှာ၊ သူ့အတွက် မုန့်ကိုဖျော်ပေးခဲ့ပြီး ညီအစ်မနှစ်ယောက် ကျောင်းကိုသွားကြတယ်။ တနေ့လုံး စာထဲတောင် သိပ်စိတ်မရောက်နိုင်ဘူး။ ငှက်ကို စိတ်ပူနေရင်းနဲ့။ ဆရာတွေရဲ့ မေးခွန်းကို အမြဲလိုလို ဦးအောင်ဖြေတတ်တဲ့ ဖြူတုတ်တစ်ယောက် နှေးနေလို့ 'နေမကောင်းဘူးလား' လို့တောင် အမေးခံရသေးတယ်။ (နဲနဲတော့ ရှက်မိသား) တခါတလေပဲလေလို့ စိတ်ကိုဖြေလိုက်ပါတယ်။ ညနေ ခေါင်းလောင်းထိုးမဲ့အချိန်ကိုသာ နာရီတကြည့်ကြည့်နဲ့ မျှော်နေမိတာပါပဲ။ ညနေကျူရှင်မရှိတဲ့နေ့မို့ ညီအစ်မနှစ်ယောက် ကျောင်းဆင်းဆင်းချင်း အိမ်ကိုစက်ဘီး ဒုန်းစိုင်းနင်းပြီး ပြန်ကြတော့တာပါပဲ။ ကျောင်းအင်္ကျီတောင် မလဲအားပဲ သူ့ဆီကို အပြေးကလေးသွားကြည့်မိပါတယ်။ သူကတော့ လန်းဆန်းပြီး သူ့အမွှေးလေးတွေကိုတောင် သန့်ရှင်းရေးလုပ်နိုင်နေပြီ။ သူ့ရဲ့တိုးတက်လာတဲ့ အခြေအနေကိုကြည့်ပြီး အရမ်းပျော်နေမိတယ်။ တချိန်တည်းမှာပဲ သူ့ခြေထောက်ကလေး ပြန်ကောင်းလာရင် ဖြူတုတ်တို့ကို ထားသွားတော့မှာပဲလို့ တွေးမိရင်း ဝမ်းနည်းသလို ခံစားမိတယ်။ ဟုတ်တယ်လေ... နေ့စဉ်နဲ့အမျှ ကြွေးမွေးသုတ်သင်ပေးနေတော့ သူ့ကိုလည်း ကိုယ်မွေးထားတဲ့ ခွေးကလေးတစ်ကောင်လိုပဲ စိတ်ထဲမှာ ခင်တွယ်မိနေပြီ။ ဖြူတုတ်တို့က လှောင်အိမ်ထဲမှာ ထည့်ပြီး အပိုင်မွေးထားလိုက်ချင်တာ။ (လူကြားမှာ အနေကြာလာတော့ လူနံ့တွေရပြီး သူ့အဖော်တွေက လက်မခံတော့ရင် ဘယ်လိုလုပ်မလဲ။) ဒါပေမဲ့ ချုပ်နှောင်ခြင်းကို အားမပေးတဲ့ မိဘတွေကြောင့် သူနေကောင်းသွားရင် ပြန်လွှတ်ပေးပါ့မယ် ဆိုတဲ့ကတိနဲ့ ထိန်းသိမ်းပြုစုခွင့်ကို ရခဲ့တာ။ ကိုယ်လဲ လွတ်လပ်မှုနဲ့ မိသားစုကိုတွယ်တာသလို သူလည်း အနှောင်အဖွဲ့က လွတ်ပြီး သူ့မိသားစုရှိရာကို ပြန်ချင်ရှာမှာပဲလေ... ဒီလိုနဲ့ သီတင်းတပတ်ကုန်ပြီး ကျောင်းပိတ်ရက်ကို ရောက်လာပြန်တယ်။ သူ့ခြေထောက်ကလေးက သွေးရောင်လေးနဲနဲ လွှမ်းလာတာကို တွေ့တယ်။ အရင်ကလို သိမ်ပြီးကုတ်မနေတော့ဘူး။ နဲနဲ ပြန့်ကားကားလေး ဖြစ်လာတယ်။ ဒါပေမဲ့ အဲဒီခြေထောက်ကလေးနဲ့တော့ ရပ်လို့မရသေးဘူး။ ဒါနဲ့လေ အဲဒီစနေနေ့မနက် မိုးမလင်းတလင်းမှာ 'ဟာ... မ--- ထထ၊ ဒီမှာလာကြည့်အုန်း' ဆိုတဲ့ ညီမလေးရဲ့ အာမေဋိတ်သံကိုကြားလို့ သွားကြည့်လိုက်တော့... အားပါးပါး... သူက ခြေထောက်ကလေးနှစ်ချောင်းကို မိုးပေါ်ထောင်ပြီး အိပ်နေတာပါလား! (စာဖတ်သူတို့ ဘာငှက်ဖြစ်မယ်ဆိုတာကို ခန့်မှန်းပြီးလောက်နေပါပြီ။) ဟုတ်ပါတယ်... ဖေဖေတို့ကို အမြန်သွားနှိုးပြီး ခေါ်ပြတော့ 'တစ်တီတူး'ဆိုတာကို အတည်ပြုချက် ရသွားတယ်။ တစ်တီတူးငှက်ကလေး ဆိုပါလား! ကြားသာကြားဖူးတာ၊ တသက်နဲ့တကိုယ် ဒီလို အနီးကပ်တွေ့ဖူးလိမ့်မယ်လို့ တခါမှမတွေးမိခဲ့ဘူး။ ဖော်ပြလို့မရတဲ့ ကြည်နူးမှုတစ်မျိုး ခံစားမိတယ်။ သူ့ရဲ့ Identityကို ဖော်လို့ရသွားတဲ့အတွက် ဘာမဆိုင်ညာမဆိုင် သူ့ရဲ့ကိုယ်စားဝမ်းသာပေးမိတယ်။ (မိဘမဲ့ဂေဟာမှ ကလေးတစ်ယောက်ဟာ သူရဲ့ဇစ်မြစ်ကို သိခွင့်ရသွားလို့ ဖြစ်ပေါ်လာတဲ့ ပျော်ရွှင်မှုပုံစံမျိုး... ငှက်ကလေးရဲ့ ဖြစ်နိုင်ချေရှိတဲ့ ခံစားမှုကို ခပ်ကြောင်ကြောင် တွေးကြည့်တာပါ။) အခုဆိုရင် သူလေးက အတော်လေးလို ယဉ်ပါးလာပြီ။ သူဆီသွားကြည့်ရင် ခြေသံကြားတာနဲ့ ခေါင်းကလေး ထောင်ကြည့်တတ်လာပြီ။ အစာယူလာရင်လည်း လှုပ်လှုပ်ရှားရှားနဲ့ လုပ်ပြတတ်နေပြီ။ ညီမလေးကတော့ အကျင့်ပါနေပြီးသားဖြစ်လို့ ခွံ့မြဲခွံ့ကြွေးတယ်။ ရေကိုတော့ သူ့ဖာသာသူ သောက်တတ်နေပြီ။ သူ့ခြေထောက်ကလေးဟာလည်း အကောင်းပကတိ ဖြစ်မှန်းမသိ ဖြစ်လာတယ်။ ဆိုတော့ နောက်တဆင့်ကို တက်ဖို့လိုလာပြီပေါ့နော်။ သူပျံဖို့ အဆင်သင့်ဖြစ်မဖြစ် ကြည့်ဖို့လေ။ ဖြူတုတ်တို့ အိပ်ခန်းတံခါးကို လုံအောင်ပိတ်ပြီး သူ့ကို တောင်းအပြင်ဖက်ထုတ်၊ အတောင်ခတ်မလားလို့ စောင့်ကြည့်ကြတယ်။ သူအတောင်လေးတွေ စမ်းခတ်နေတာကို တွေ့တယ်လေ။ ခွဲခွါသားဖို့ အရိပ်အရောင်တွေပေါ့လေ။ ဖြူတုတ်တို့ နှစ်ယောက်လုံး ဝမ်းသာဝမ်းနည်း ခံစားမိတယ်ဆိုတာ ထုတ်မပြောမိပေမဲ့ သိနေကြတယ်။ စိတ်မချသေးလို့ တစ်ပတ်လောက်တော့ ဆက်ထား,ထားခွင့်ပေးပါလို့ နှစ်ယောက်သား ဈေးဆစ်ကြတော့ ဖေဖေက အသာတကြည်ပဲ သဘောတူခွင့်ပြုလိုက်တယ်။ သိပ်တော့ မပျော်မိတော့ပါဘူး။ သူသွားတော့မယ် ဆိုတာကိုသိနေတော့လေ။ လာမဲ့ ကျောင်းပိတ်ရက်မှာ လွှတ်ပေးပါ့မယ်လို့ ဖေဖေ့တို့ကို ကတိပေးလိုက်ရတယ်။ ကျောင်းပိတ်ရက်မရောက်ခင် Thursdayတရက်မှာပေါ့... ကျောင်းမှာသိပ်အဆင်မပြေဘူး။ ရန်ဖြစ်ခဲတဲ့ ဖြူတုတ်တစ်ယောက် ဘာမဟုတ်တဲ့ ရုပ်ရှင်မင်းသားတစ်ယောက်ကို ခုခံပြောရင်း သူငယ်ချင်းတစ်ယောက်နဲ့ အကြီးအကျယ် စကားများကြတယ်။ တခါမှ မမှားဖူးတဲ့ Mathကိုလဲ မှားတွက်မိလို့ အဆူခံရတယ်။ စက်ဘီးလဲ လေလျော့ ခံရတယ်။ စိတ်ထဲမှာ တခုခုတော့ တခုခုပဲပေါ့။ အိမ်ကိုပဲ မြန်မြန်ပြန်ချင်နေမိတယ်။ အဲဒီနေ့က ညီမလေးက အပိုချိန်ရှိလို့ ဖြူတုတ်တစ်ယောက်ထဲ အိမ်အရင်ပြန်နှင့်တယ်။ ငှက်ကလေးကို ထားနေကျနေရာမှာ သွားကြည့်လိုက်တော့ မရှိတော့ဘူး။ မေ့မေ့ပုံစံကြည့်ရတာတော့ တကယ့်ကို အေးအေးဆေးဆေးပဲ။ ငှက်ကလေးရောဆိုတော့ နေ့လည်ကပဲ သူ့အမျိုးတူတွေတွေ့တာနဲ့ ထုတ်လွှတ်ပေးလိုက်တာ အတူတူပျံသွားကြပြီတဲ့။ ဖြူတုတ်တော့ ဝမ်းနည်းပေမယ့် သူပျော်ရင်ပီးတာပဲဆိုပြီး နေလိုက်တယ်။ drama က ညီမလေး ပြန်ရောက်လာမှ စတယ်။ သူ့ကိုအသိမပေးပဲ လွှတ်လိုက်ရလားဆိုပြီး ငိုကြီးချက်မနဲ့။ ဘာနဲ့မှလဲ ချော့လို့မရ။ ငှက်ကလေးကို လွမ်းပြီး သူတပတ်လောက်တောင် နေမကောင်းဖြစ်လိုက်တယ်။ သူ မပျော်ဘူး မပျော်ဘူးဆိုပြီး တမှိုင်မှိုင်လုပ်နေတုန်းက ကလေးဆိုတော့ သိပ်မခံစားတတ်ခဲ့ဘူး။ သူ့ကို ပိုတယ်လို့ ထင်ခဲ့တယ်။ အခုကြီးလာပြီး သံယောဇဉ်မီးကို နားလည်ခံစားတတ်တော့မှ သူပြောခဲ့တာတွေဟာ အပိုတွေ ဟုတ်မနေဘူးဆိုတာကို နားလည်လိုက်မိပါတယ်။ အဲဒါနဲ့ပဲ ဒါလေးကို အမှတ်တရ ရေးဖြစ်တာပါ။

မှတ်ချက်။ ကြီးလာတော့ လူကြီးတွေးနဲ့တွေးကြည့်တော့မှ ငှက်ကလေးပျံသွားတာမှ ဟုတ်ရဲ့လားဆိုတဲ့အတွေး မကြာခဏဝင်မိတယ်။ မေမေ့ကိုပြန်မေးတော့ သူ့အမျိုးတူတွေနဲ့ ပျံသွားတာပါလို့ အခိုင်အမာ ပြောတယ်။ တမျိုးတော့ တမျိုးပဲ။ သို့လော သို့လော တွေးမိတာက ဟိုပျံဒီပျံလုပ်လုပ်ရင်း အိမ်ပြင်ကိုရောက်ပြီး ဟိုကောင်တွေလက်ချက်များ မိသွားသလားလို့???

(အဖြစ်မှန်ကို ရေးပေမယ့် ဖြူတုတ် စာသိပ်မရေးတတ်လို့ အဖျားရှူးသွားရင် သည်းခံပေးပါ။)

ကျေးဇူးတင်ပါတယ်

ဖြူတုတ်လေး

Halloween Humour

2009-11-03T22:43:00.004-05:00

ဒီက ကလေးတွေ မျှော်လင့်စောင့်စားနေကြသော Oct 31 မှာကျရောက်ခဲ့တဲ့ Halloween ကတော့ပြီးဆုံးသွားပါပြီ။ သူတို့ခမျာမှာတော့ Trick or Treat ဆိုအော်ပြီး အိမ်ပေါက်စေ့လည်လို့ ပျော်လိုက်ရတယ် မထင်ပါဘူး။ Candy တွေလည်း မျှော်လင့်ထားသလောက်မှ ရကြရှာရဲ့လား မသိ။ ဘာဖြစ်လို့လဲလို့ မေးလာရင် 'ပွဲဖျက်တဲ့မိုး' ရယ်လို့ သူတို့ကလေးတွေက ဦးရာလူ တိုင်တည်ကြမည် အမှန်။ မိုးလင်းကတည်းက တအိအိရွာလိုက်တဲ့မိုးဟာ နေဝင်မိုးချုပ်အထိ မရပ်မစဲနိုင်အောင်ပဲ။ အရမ်းကြီးသည်းတာမဟုတ်ပဲ သွားရလာရ အဆင်မပြေရုံ ရွာတဲ့မိုး။ ကလေးတွေကို ထိုင်မရထမရ ဖြစ်စေတဲ့မိုးဆိုရင် ပိုမှန်မယ်ထင်တယ်။ မိုးမင်းကြီးက Candyထွက်တောင်းချင်တဲ့ ကလေးတွေအပေါ် ဘာအငြိုးရှိနေ မှန်းမှ မသိတာနော်။ မိုးမင်းကြီးဆိုလို့လေ ဖြူတုတ်တို့ရဲ့ ကလေးဘဝကို ခဏတောင် ပြန်ပြောင်း သတိရလိုက်မိသေးတယ်။ မုံရွာမှာ သီတင်းကျွတ် ဘုရားကြီးပွဲ ဆင်နွှဲတဲ့အချိန်ဆို မိုးရွာတတ်တယ်လေ။ ဖြူတုတ်တို့က ကလေးပဲရှိသေးတာဆိုတော့ လူကြီးမပါရင် မသွားနိုင်သေးတဲ့ အရွယ်။ အဲဒီတော့ ဖေဖေအလုပ်ပါးတဲ့ စနေ၊ တနင်္ဂနွေထိရောက်အောင် စိတ်ကိုဆွဲဆန့်ပြီး စောင့်ရတာပေါ့။ ကိုယ်သွားမဲ့နေ့မှာမှ မိုးရွာလိုက်ရင် ခဲလေသမျှ သဲရေကျပဲ။ ဆိုတော့ မိုးလေဝသနားထောင်ပြီး မိုးရွာခြေရှိတယ်ဆိုရင် အရှင်ဥပဂုတ္တရုပ်ထုတော်ကို ရေကြိုလောင်းလိုလောင်းနဲ့ ရှုတ်လိုက်တဲ့အလုပ်။ ပြန်ဆက်ရရင် စနေနေ့မှာကျရောက်တဲ့ Halloweenမှာ လွတ်လွတ်လပ်လပ် ပျော်မယ်လို့ အားခဲထားတဲ့ ခမျာရှာတို့မတော့ ဒီမိုးကြောင့် Angelina Jolieထက် ပိုထူပြီးစုတဲ့ နှုတ်ခမ်းပိုင်ရှင်လေးများ ဖြစ်နေတော့မှာပေါ့။ တချိန်တည်းမှာပဲ Costumeဝတ်ရတာ သိပ်ပြီး ဝါသနာမပါတတ်သူ ဖြူတုတ်ကတော့ ဒီနှစ် အိမ်မှာပဲနေပြီး ကလေးတွေ ဝတ်စားလာတာကို ကြည့်မယ်ပေါ့။ (အရင်နှစ်တွေက သာမန်အဝတ်အစားနဲ့ပဲ သွားတော့ အဟားခံရတယ်လေ။ ဒီနှစ်တော့ မရဘူးလို့ ရာဇသံ ထွက်လာလို့။) ဖြစ်ချင်တော့ ကလေးတွေလည်း မလည်နိုင်တော့တဲ့အတွက် ဖြူတုတ်လည်း သိပ်မကြည့်ရဘူးပေါ့။ အဲဒီလိုနဲ့ ခပ်ပျင်းပျင်းအရှိမှာ email ကိုစစ်လိုက်တော့ အဒေါ်လိုခင်တဲ့ 'ကြီးကြီး KAT' ဆီကနေ ပေးပို့လာတဲ့ ဒီ Halloweenဟာသလေးများကို တွေ့တော့တာပါပဲ။ ဖြူတုတ်နှစ်သက်မိလို့ စာဖတ်သူတို့နဲ့ မျှဝေလိုက်ပါတယ်။ တချို့ကာတွန်းလေးတွေဟာ ရယ်စရာသက်သက် ဖြစ်သလို၊ တချို့ကကျတော့ ခေတ်ရဲ့လက်ရှိအခြေအနေကို တစေ့တစောင်း ထင်ဟပ်စေပါတယ်။ ဖြူတုတ်ရဲ့စာကို ဖတ်နေရင်း 'ဟဲ့ နိဒါန်းချီလို့ကို မပြီးနိုင်သေးဘူး' လို့ တွေးနေရင် ဒီမှာပဲ လက်ကို ဘရိတ်အုပ်လိုက်ပါပြီ။ ဟာသလေးတွေကို ခံစားကြည့်ကြပါနော်။

၁။ သူတို့တိုင်းပြည်မှာဝေတဲ့ Candy လေးက မွေးကာစ ကလေးလေးတွေနဲ့ တူသလိုပဲနော်။

၂။ မူးရင်မမောင်းနဲ့ (အဲလေ... မစီးနဲ့)၊ စီးရင် မမူးနဲ့ ခင်ဗျ။

၃။ သူတို့ဆီမှာလည်း Shrimp လိုအပ်တာကိုး။ (ခုထက်ထိ စဉ်းစားလို့မရဘူး။ ဒီတိုင်းပြည်မှာ Psychiatric ကို ဘာကြောင့် Shrimp လို့ခေါ်လဲ ဆိုတာ။)

၎။ အမေရိကမှာရှိတဲ့ အိမ်တွေအတော်များများ Foreclosure မိနေလို့ ကလေးတွေခမျာ Candy ရဖို့လမ်းမမြင် ဖြစ်ရပါပေါ့လား။

၅။ သူကတော့ တကယ့်Mummy အစစ်တွေကို Costume ဝတ်ထားသူတွေနဲ့ မှားတယ်ထင်တယ်။ ဖြူတုတ်သိပ်မရှင်းဘူး။

၆။ ဖြူတုတ်မှန်မှန် ဝန်ခံရရင် Toilet Paper နဲ့တွဲနေတာတောင် ဟိုဖက်ကတစ်ယောက်ရဲ့ Costumeကို ပုံဖော်လို့ မရခဲ့ဘူး။ တကယ်ပြောတာ... ၁၅မိနစ်လောက် စဉ်းစားလိုက်ရတယ်။ (မရယ်နဲ့နော်) ပေါက်ပေါက်ရှာရှာ တွေးလည်းတွေးတတ်တယ်။

၇။ ဒီတစ်ခုကတော့ Fire Hydrant အဖြစ် ဝတ်ဆင်ချင်သူတွေအတွက် သတိပေးချက် နေမှာ။ (ဒီမှာ အပြာ နဲ့ ငွေရောင်ဆိုးထားတဲ့ FH တွေလည်း ရှိပါတယ်။ အနီရောင်ကိုတော့ အများဆုံးတွေ့နိုင်ပါတယ်။)

ပေးပို့သူ: KAT

ကျေးဇူးတင်ပါတယ်

ဖြူတုတ်လေး

Chocolate လေးက ပြောတဲ့အသက်

2009-10-26T21:10:00.000-04:00

ဒီတခါလည်း ပေါ့ပေါ့ပါးပါးလေး တစ်ခုပါပဲ။ သမ္ဘာရင့် Blogger ညီအစ်ကို မောင်နှမများရဲ့ စကားကိုငှါးသုံးရမယ် ဆိုရင်တော့ ဖြူတုတ် ဆားချက်လိုက်တယ်လို့ ဆိုရမလားပဲ။ ဖြူတုတ်ရဲ့ Blogသက်က ငယ်လွန်းတော့ ဆားတောင်တူးအောင် ချက်အုံးမလား မပြောတတ်ပါဘူး။ စာဖတ်သူရဲ့ လက်ထဲကို ဝကွက်အပ်လိုက်ပါပြီ။ မငံရင်တောင် မခါးဘူးလို့မျှော်လင့်ရတာပါပဲ။

ဖြူတုတ်အခု မျှဝေချင်တာကတော့ လူတစ်ယောက်ရဲ့အသက်ကို ချောကလက်ဘယ်လောက် ကြိုက်သလဲဆိုတာအပေါ်မှာ မူတည်ပြီး ခန့်မှန်းခြင်းပါ။ အဆိုကတော့ သူများတွေကိုသာ အသက်လိမ်လို့ရမယ်၊ Mr.Hersheyကိုတော့ လိမ်လို့မရဘူးတဲ့။ တယ်ဆိုတဲ့ စာပါလား။ ကြည့်ရတာကတော့ အသက်အမှန် မပြောချင်တဲ့သူများကို လှည့်စားချင်တဲ့ သဘောလားမသိ။ ဖြူတုတ်တော့ စိတ်ဝင်စားမိတာ အမှန်ပဲ။ တချိန်တည်းမှာပဲ စဉ်းစားမိတာက ဘယ်လောက် တိကျနိုင်မှာလဲနော်။ မဖြစ်နိုင်ဘူးပေါ့။ မယုံကြည်သူများ (ဖြူတုတ်အပါအဝင်) စမ်းကြည့်လို့ရအောင် Formula လေးကို အောက်မှာ ရေးပေးထားပါတယ်။ ဖြူတုတ်နဲ့ အတူတူ စမ်းကြည့်ရအောင်။ စိတ်အရမ်း မလောနဲ့တဲ့၊ တစ်မိနစ်လောက်ပဲ ကြာတာပါတဲ့၊ cheat လဲမလုပ်ရဘူးတဲ့ (ပို့ပေးတဲ့ သူငယ်ချင်းက ပြောတယ်)။ အိုး... ဒါလောက်ကတော့ ဖြူတုတ်တို့က လိုက်နာနိုင်ပါတယ်။ 'မ'တိကျ (ဒေါ်တိကျလဲ ဖြစ်လို့ရနေပါပြီ)လို့တောင် နာမည်တွင်သေးတာပဲ။ ပြောနေတာကြာပါတယ်။ နံပါတ်စဉ်အတိုင်း ဖြည်းဖြည်းမှန်မှန် တစ်ဆင့်ခြင်း လိုက်နာကြည့်ကြရအောင်။ အောက်ဆုံးကိုကျော်ပြီး ကြိုမကြည့်ကြေးနော်... ok... ready လား? စကြစို့ရဲ့။

၁။ သင်... တစ်ပါတ်မှာ ချောကလက် ဘယ်နှကြိမ် စားသုံးချင်ပါသလဲ။ (တစ်ကြိမ်အနည်းဆုံးဖြစ်ပြီး ဆယ်ကြိမ်ထက် နဲရပါမယ်။)

၂။ ပိုလေးနက်သွားအောင် စားချင်တဲ့အကြိမ်ပေါင်းကို ၂နဲ့မြှောက်လိုက်။

၃။ ၅ထပ်ပေါင်း လိုက်ရအောင်။

၎။ ရလာတဲ့ အဖြေကို ၅၀နဲ့ ထပ်မြှောက်အုံးတဲ့။ (Calculator သွားယူလိုက်ဖို့ ပြောလိုက်သေးတယ်။ မလိုပါဘူး။ ဒါလောက်တော့ Piece of Cake!)

၅။ ဒီနှစ်မှာ မွေးနေ့ပြီးသွားပြီဆိုရင် ၁၇၅၉ ပေါင်းလိုက်ပါ။ မပြီးသေးရင်တော့ ၁၇၅၈ ပါ။

၆။ ကဲ... သင်မွေးတဲ့ခုနှစ် (အင်္ဂလိပ်နှစ်)ကို နှုတ်လိုက်ပါ။

၇။ သင့်မှာ ဂဏန်းသုံးလုံး ရလာပါလိမ့်မယ်။ ပထမဂဏန်းကတော့ သင်ချောကလက်စားချင်တဲ့ အကြိမ်ပေါင်းပေါ့။ ထာထာ ('ချန်ချန်' ကိုရီးယန်းလို) ... နောက်ဂဏန်းနှစ်လုံးကတော့ သင့်ရဲ့ အသက် မှန်လေ။

ဖြူတုတ်တော့ အဖြေမှန်ထွက်တယ်။ ဆိုတော့ စာဖတ်သူရေ... ဘယ်လိုသဘောရလဲ။ အခုလောက်ဆို အကုန်လုံးက ဒီလှည့်ကွက်ကို သဘောပေါက်ပြီး ပြုံးနေကြလောက်ရောပေါ့။ ဖြူတုတ်ကတော့ နဲနဲနှေး တဲ့သူဆိုတော့ ဒီFormula ကို Develop လုပ်ရာမှာ ဘယ်လို Manipulate လုပ်ထားတယ်ဆိုတာ အဆင့်၆ ရောက်မှ သဘောပေါက်သွားတယ်။ ဒါလေးဟာ Algebra ကို လှည့်ကွက်ကလေးသုံးထားတယ် ဆိုပေမဲ့ ဒီလိုလုပ်ဖို့ Idea ရလာတဲ့သူကို ဖြူတုတ် လေးစားမိတာတော့ ဝန်ခံပါတယ်။ Mathကို စိတ်ဝင်စားသူတို့အတွက် ဖြူတုတ်ရဲ့တွေ့ရှိချက်ကို ရေးပြမလို့ပါပဲ။ ရေးရမှာနဲနဲရှည်နေတာနဲ့ အပျင်းတို့ ထုံးစံအတိုင်း ကိုယ့်ထက် ဝီရိယကောင်းသူများ ရှိလေမလားလို့ Googleလိုက်ရာမှာ ဒီSITE ကလေးကို တွေ့ပါတယ်။ သူတင်ပြထားပုံက တိကျ သေသပ်ပါတယ်။ စိတ်ဝင်စားရင် သွားလည်ကြည့်နော်။

ဖြူတုတ်မှာ မေးခွန်းတစ်ခုတော့ ရှိသေးတယ်။ ဒီ Formula ဟာ အသက် ၉၉နှစ်အထိပဲ Valid ဖြစ်တယ်။ အသက်၁၀၀ရှိသူအတွက် မမှန်တော့ဘူး။ လောလောဆယ် ဖြူတုတ်စဉ်းစာမိတာကတော့ ချောကလက်စားကြိမ်ပေါင်းကို ကန့်သတ်ထားလိုများလားမသိ။ သိတဲ့သူရှိရင် ဖြူတုတ်ကိုပြောနော်။

မှတ်ချက်။ ။ ဒီPostကို တင်ထားပြီးသူရှိခဲ့ရင် ဖြူတုတ်ကိုစိတ်မရှိပါနဲ့။ ဒါလေးကို သဘောကျတဲ့အတွက် သိမ်းထားချင်လို့ပါ။ နှစ်ခါထပ်ဖတ်တော့ နှစ်ခါ Fun ပေါ့။ ဟုတ်ဖူးလား?

ပေးပို့သူ: Meyliana Hu

ကျေးဇူးတင်ပါတယ်

ဖြူတုတ်လေး

ရှောင်မည်ရှားမည် ဂျူရီဂျူတီ (Jury Duty)

2009-10-19T20:00:00.012-04:00

အမေရိကန်တိုင်းပြည်ရဲ့ တရားရေးစနစ်မှာ ပြစ်မှူကျူးလွန်ထားသည်ဟု စွပ်စွဲခံထားရသော တစ်ဦးတစ်ယောက် (သို့မဟုတ်) အဖွဲ့တစ်ခုကို တရားစီရင်ရာမှာ ဂျူရီ (Jury) စနစ်ဆိုတာရှိပါတယ်။ အဲဒီစံနစ်ဟာ တရားသူကြီးနဲ့ ဂျူရီလူကြီးများ (Jurors)ဆိုပြီး ဖွဲ့စည်းထားတာပါ။ ပြစ်မှူ (သို့မဟုတ်) တရားရုံး အမျိုးအစားပေါ်မှာမူတည်ပြီး ဂျူရီလူကြီးများရဲ့ အရေအတွက်ဟာ ၆ယောက်မှ ၁၂ယောက်အထိ ရှိနိုင်ပါတယ်။ ဒါကိုတော့ ဖြူတုတ် အသေးစိတ် မရေးနေတော့ပါဘူး။အသက်၁၈နှစ်ပြည့်ပြီးသော အမေရိကန်နိုင်ငံသားတိုင်း ဂျူရီလူကြီးအဖြစ် ထမ်းဆောင်နိုင်ပါတယ်။ သတ်မှတ်ချက်တချို့တော့ ရှိပါသေးတယ်။ အင်္ဂလိပ်စကားကောင်းကောင်း နားလည် ပြောဆိုနိုင်ခြင်း၊ စိတ်နဲ့ ကိုယ်လက်အင်္ဂါ ချို့ယွင်းချက်မရှိရခြင်း၊ မှူခင်းမှူရာ ကင်းရှင်းရခြင်း အစရှိသဖြင့်ပေါ့လေ။ ဒါပေမဲ့ ဂျူရီလူကြီးတစ်ယောက် ဖြစ်လာဖို့အတွက် အလုပ်လျှောက်ရတာမျိုး အင်တာဗျူးသွားရတာမျိုး မလိုအပ်ပါဘူး။ ပြစ်မှူတစ်ခုကို စစ်ဆေးဖို့ရှိလာရင် တရားသူကြီးရဲ့ လက်အောက်မှာရှိတဲ့ ရှေ့နေက အဲဒီသတ်မှတ်ချက်များနဲ့ ကိုက်ညီနိုင်သော သူများကို မဲပေးသူများစာရင်း (သို့မဟုတ်) ကားမောင်းလိုင်စင် ရှိသူများစာရင်းမှ randomly ဆင့်ခေါ်ခြင်းဖြစ်ပါတယ်။ အဲဒီလို ဆင့်ခေါ်ခံရသူများကို အရည်အချင်းစစ် မေးခွန်းများ ဖြေဆိုခိုင်းပြီး အောင်မြင်သူများကို ဂျူရီလူကြီး တာဝန်ထမ်းဆောင်နိုင်သူအဖြစ် လျာထားပါတယ်။ လျာထားသူတွေထဲကမှတခါ ဂျူရီလူကြီးအဖြစ် randomly ရွေးကောက်ခြင်းဖြစ်ပါတယ်။ ဆိုတော့ တာဝန်ထမ်းဆောင်ရသည်ဖြစ်စေ၊ မထမ်းဆောင်ရသည်ဖြစ်စေ တရားရုံးမှာ အချိန်ကုန်လူပန်း ဖြစ်ကြရတာကို မနှစ်သက်သူများပါတယ်။ လူအများစုကတော့ ဆင့်ခေါ်စာရောက်ပြီ ဆိုကတည်းက ဒီတာဝန်ကနှုတ်ထွက်ခွင့်ရအောင် အကြောင်းပြချက်မျိုးစုံ ပေးကြတော့တာပါပဲ။ အချို့တရားရုံးတွေမှာတော့ ဂျူရီတာဝန်ကနေ လွှတ်ပေးနိုင်တဲ့ အကြောင်းပြချက်များကို ကြေငြာထားပါတယ်။ အသက်၇၀ကျော်နေရင်၊ ၂နှစ်အတွင်း ဂျူရီတာဝန် ထမ်းဆောင်ထားရင်၊ မီးသတ်သမားလုပ်အားပေး (သို့) ကယ်ဆယ်ရေးသမား (သို့) လူနာတင်ယာဉ် ကူညီရေးအဖွဲ့ အသင်းဝင်အဖြစ် volunteerလုပ်နေရင် စာတင်ပြီး excuseပေးအောင် လျှောက်ထားနိုင်ပါတယ်။ ဖြူတုတ်ဒီလို နိဒါန်းပျိုးနေရခြင်း အကြောင်းကတော့ တနေ့မှာ ဖြူတုတ်ရဲ့ သူငယ်ချင်းတစ်ယောက်လဲ ဆင့်ခေါ်ခံရပါရော။ အဲဒီမှာ သူကဘယ်လိုအကြောင်းပြချက် ပေးသင့်သလဲလို့ တိုင်ပင်လာပါတယ်။ (ဖြစ်ချင်တော့ သူက အထက်ပါအကြောင်းပြချက်တွေနဲ့ မကိုက်ညီနေဘူးလေ။) ဖြူတုတ်ကလဲ ကြံရဖန်ရတော့မယ်ဆိုရင် သိပ်အဖြစ်မရှိဘူး။ အဲဒီတော့ လက်စွဲတော် Googleထုံးကို နှလုံးမူလိုက်ရာမှာ အောက်ပါ စိတ်ဝင်စားစရာကောင်းတဲ့ အကြောင်းပြချက်ကလေးတချို့ကို တွေ့ရှိမှတ်သားရပါတယ်။ အခုပြောမဲ့ (၈)ခုလောက်ကတော့ ဖြူတုတ်ကိုစိတ်ဝင်စားစေတယ်။ စာဖတ်သူများ စိတ်ဝင်စားမလားမသိဘူး။

၁။ ပထမဦးဆုံး တစ်ယောက်ရဲ့ ဂျူရီတာဝန်က လွတ်သွားပုံကတော့ ဒီလိုပါတဲ့။ သူဟာ ရုံးခန်းထဲကိုရောက်တယ်ဆိုရင်ပဲ ရုတ်တရက် မတ်တတ်ရပ်ပြီး အမှူရင်ဆိုင်နေတဲ့သူကို စူးစိုက်စွာကြည့်လိုက်တယ် ဆိုပဲ။ ပြီးတော့ ကိုယ့်ကိုယ်ကို ယုံကြည်မှူအပြည့်ရှိစွာနဲ့ ပြောလိုက်တာကတော့ 'ခင်ဗျားဟာ အပြစ်ရှိတဲ့ရုပ် ပေါက်တယ်' လို့တဲ့။ သူ့ကို ဘာမှတောင်မမေးတော့ပဲ ချက်ချင်း ပြန်လွှတ်လိုက်ပါလေရော။

၂။ ဒီတစ်ယောက်ကတော့ သူနေတဲ့ အဆောက်အဦးမှာ သူနဲ့နာမည်တူ လူတစ်ဦးနေထိုင်ပါသတဲ့။ သူ့ရဲ့စာတွေဟာလည်း အဲဒီလူရဲ့ အခန်းကို အကြိမ်ပေါင်းများစွာ မှားပြီးရောက်သွားတတ်တယ်။ စာဖတ်သူ ထင်ထားတဲ့အတိုင်းပါပဲ သူ့အကြောင်းပြချက်ကတော့ ဂျူရီတာဝန်ဆင့်ခေါ်စာဟာလဲ သူ့ဆီမရောက်ဘဲ အဲဒီလူဆီကို ရောက်သွားပြန်ပြီပေါ့။ သူ့ရဲ့အဆိုကို တယ်လီဖုန်း စာအုပ်နဲ့ ထပ်ပြီးအတည်ပြုလိုက်နိုင်တော့ ဂျူရီတာဝန်က လွတ်သွားပါတယ်။ (ဉာဏ် တော်တော် ပြေးတာပဲနော်။)

၃။ သူကတော့ ရုပ်ရှင်မင်းသားလုပ်စားရင် တကယ်အောင်မြင်မှာ။ ကြည့်အုန်းလေ... ရုံးတော်ရောက်မှ လူတွေရှေ့မှာ မူးလဲဟန်ဆောင်ပြီး ပြန်သတိရချိန်မှာ ဘာမှသတိမရတော့ဘူးလို့ ပြောလိုက်သတဲ့။ လွတ်စေပေါ့။

၎။ သူကတော့ Illinois (USAမှာ၂၁ခုမြောက် ဖြစ်လာတဲ့ ပြည်နယ်တစ်ခုပါ။ သမ္မတ အိုဘားမားနဲ့ တွဲပြီး ပိုသိကြပါတယ်) မှာနေပါတယ်။ ၂နှစ်တခါ ဆိုသလို ဂျူရီတာဝန်အတွက် ဆင့်ခေါ်ခံရတာ ၁၅နှစ်တိုင်ခဲ့ပါပြီ။ ဒါပေမဲ့ သူဘယ်တော့မှ အရွေးမခံရပါဘူး။ သူ့ရဲ့လက်နက်က ရုံးတော်ကိုရောက်လို့ မေးခွန်းအမေးခံရတိုင်း 'အကုန်လုံးကိုသတ်လို့' အထပ်ထပ်အခါခါ ဖြေကြားခြင်းပါတဲ့။

၅။ ဒီတစ်ယောက်ရဲ့ အကြံပြုချက်ကတော့ ဂျူရီလူကြီး မဖြစ်ချင်ရင် ရုံးတော်သို့ ဘာအကြောင်းပြချက်မှ ပေးစရာမလိုဘူးလို့ ဆိုပါတယ်။ GUILTY (သို့) I HATE COPS (သို့) ထောင်သံတန်းပုံပါတဲ့ Tရှပ်သာ ဝတ်သွားပါတဲ့။ ရွေးပါပြောရင်တောင် လှည့်မကြည့်ဘူးတဲ့။

၆။ အခုတယောက်ကတော့ ဘာပြောသလဲဆိုရင်... သူဟာ သိပ်ကိုကျွမ်းကျင်တဲ့ အကြားအမြင် ဆရာတစ်ယောက် ဖြစ်တဲ့အတွက် မည်သူ ပြစ်မှူကျူးလွန်တယ် ဆိုတာကို ဒက်ထိဟောနိုင်ပါသတဲ့။ စာဖတ်သူရေ သူ့အကြောင်းပြချက်က ခိုင်လုံသလား။ သူ့လို အကြားအမြင်တောင် မလိုပါဘူး။ ပြေးကြည့်ရင်တောင်မှ ခလုတ်တိုက်နေအုန်းမယ်။ သူ့ကို ပြန်မလွှတ်ဘူး ဆိုတာရှင်းပါတယ်။

၇။ အခုပြောမဲ့ အမျိုးသမီးကတော့ သူမရဲ့ အလုပ်ပိုင်ရှင်ဆိုသူအား ရုံးတော်သို့ခေါ်လာပါသတဲ့။ ထိုသူဟာ ဆောက်လုပ်ရေး ကန်ထရိုက်တာဖြစ်ပြီး သူမ,မရှိရင် သူ့ရဲ့လုပ်ငန်းဟာ မလည်ပတ်နိုင်ပါဘူး လို့ပြောပါလေရော။ ပြီးတော့လည်း ထပ်ပြောသေးတယ်။ သူမသာ ဂျူရီတာဝန်ထမ်းဆောင်ဖို့ သတင်းပို့ရမယ်ဆိုရင် သူမကိုအလုပ်က ထုတ်ပစ်ရပါလိမ့်မယ်တဲ့။ သူ့စကားအဆုံးမှာ တရားသူကြီးဟာ သူမကို နောက်အပတ် ဂျူရီတာဝန်အတွက် သတင်းပို့ရမယ်လို့ အမိန့်ချလိုက်ပါသတဲ့။ ဒီမှာတင် မပြီးသေးပါဘူး။ ကန်ထရိုက်တာကိုလည်း သူမဂျူရီတာဝန် ထမ်းဆောင်ပြီးသွားရင် သူ့အလှည့်ဆိုပြီး အမိန့်ချပါသတဲ့။ အပိုဆုကတော့ ကန်ထရိုက်တာဟာ သူမကို အလုပ်ထုတ်မယ်ဆိုရင် ဒုစရိုက်မှူနဲ့ တရားစွဲဆိုခံရစေ ဆိုပြီး ရုံးတော်ကိုရပ်နားလိုက်ပါသတဲ့တော့။ ဒီနှစ်ယောက်ရဲ့ ရွှေဉာဏ်တော်စူးရောက်စွာ ပူးပေါင်းကြံစည်မှူဟာ တရားသူကြီးရဲ့ ဒေါသကို ဟုန်းခနဲထသွားစေတာကတော့ မြင်တဲ့အတိုင်းပါပဲ။ ဖြူတုတ်အမြင်ကတော့ သူတို့ ဒီလောက်လုပ်ရတာ နဲတောင်နဲသေးတယ်။

၈။ နောက်ဆုံးတစ်ယောက်ကတော့ Irishလူမျိုးပဲ ဖြစ်ရမယ်။ ပြောစရာ ရှားလို့။ Saint Patrick Dayပါတီ တက်စရာ ရှိတဲ့အတွက် ဂျူရီတာဝန် မထမ်းဆောင်နိုင်ပါဘူးတဲ့လေ။ အဖြေကတော့ ဖြူတုတ်ပြောဖို့လိုမယ် မထင်ပါဘူးနော်။

အဲဒါလေးတွေဖတ်ပြီး သူငယ်ချင်းကို ပြန်ပြောပြတဲ့အခါ ဖြူတုတ်အတွက်တော့ ရယ်စရာဖြစ်ပြီး သူ့အတွက်ကတော့ ဆောင်ရန်နဲ့ ရှောင်ရန်များပေါ့။ နောက်နှစ်ရက်အကြာမှာတော့ ဖြူတုတ်လည်း အကြိုးအကြောင်းသိချင်တာနဲ့ သူ့ဆီကဖုန်းကို မျှော်နေမိပါတယ်။ မှန်မှန်ဝန်ခံရရင် ရယ်စရာလေးများ တစ်ခုထပ်တိုးမလားဆိုတဲ့ တိတ်တခိုးအတွေးက ပိုကဲမလားဘဲ။ (ဖြူတုတ် သိပ်တော့ မလွန်ပါဘူးနော်) ဖုန်းမြည်မြည်ချင်းမှာပဲ ဖြေလိုက်တော့ သူ့ဆီက ဝမ်းသာအားရသံကြီးနဲ့ 'ငါမသွားရတော့ဘူးကွ၊ ငါလွတ်သွားပြီကွ' တဲ့။ အဲဒီမှာပဲ သိချင်စိတ်တွေကပိုပြင်းထန် သွားတာပေါ့။ ဘာအကြောင်းပြချက် ပေးလိုက်တာလဲလို့ မေးလိုက်တဲ့ ဖြူတုတ်ရဲ့အသံက ထီပေါက်သူတစ်ယောက်ထက်တောင် ပိုexcitedဖြစ်တယ် ထင်ရတယ်။ သူကလဲ စိတ်ဝင်စားနေပါပြီဆိုမှ ဈေးပိုကိုင်ဆိုသလိုပဲ။ မှန်းစမ်းတွေ ဘာတွေလုပ်နေသေးတယ်။ နောက်ဆုံး ဖြူတုတ် စိတ်မရှည်သံ ပေါက်လာတော့မှ သူပြောလိုက်တာကတော့ 'ငါက PR (Permant Resident) လေ' တဲ့။ (သူ့ရဲ့ Statusကို Citizenလို့ပဲ ထင်ထားတာ) ပြီးတော့ လာသေးတယ်။ 'နင့်ကို စချင်လို့' တဲ့။ 'ပြက္ခဒိန်ကို သွားကြည့်' တဲ့။ ဖြူတုတ်အတွက် တော်တော်တော့ ပဟေဠိဖြစ်သွားတယ်။ ဒါပေမဲ့ ခိုင်းတဲ့အတိုင်းတော့ သွားကြည့်လိုက်သေးတယ်။ အာဟား... ထုံလိုက်တဲ့ ဖြူတုတ်။ သူ အကူအညီ တောင်းတဲ့နေ့က ဧပြီလ(၁)ရက်နေ့ ဖြစ်နေပါရောလား။။

(မှတ်ချက်။ ။ ဒီမှာက PRဆိုရင် ဂျူရီတာဝန် ထမ်းဆောင်စရာ မလိုပါဘူး။ အမှတ်မရှိဘဲ ယုံလွယ်တတ်တဲ့ ဖြူတုတ်တစ်ယောက်ဟာလည်း ဧပြီလ (၁)ရက်နေ့ရောက်တိုင်း စတဲ့သူသာပြောင်းသွားမယ်၊ စခံရသူအဖြစ် သစ္စာရှိစွာ ရပ်တည်နေဆဲပါ။)

ကိုးကား _

http://www.wisegeek.com/what-is-jury-duty.htm
http://www.uscourts.gov/jury/qualifications.html

ကျေးဇူးတင်ပါတယ်
ဖြူတုတ်လေး

ဖြူတုတ်လေးရဲ့ 'မောင်'

2009-10-16T18:48:00.000-04:00

ဒီ Singforyou.net ဆိုတဲ့ Site ကလေးကို ညီမလေးတစ်ယောက်ဆီက ရထားတာကြာပါပြီ။ ဒီလောက် လုပ်ရတာ လွယ်ကူတယ် မထင်တဲ့အတွက် ဖြူတုတ် Procrastinate လုပ်နေတာ နှစ်နဲ့တောင် ချီလောက်ရောပေါ့။ ဒီနေ့တော့ မိုးအေးအေးလေးမှာ ပျင်းပျင်းရှိတာနဲ့ အိမ်မှာပဲ ကာရာအိုကေ ဆိုမလား စိတ်ကူးရာကနေ Blog ပိုင်ရှင်တစ်ယောက်ရဲ့ အခွင့်အရေးကို ကျကျနန အသုံးချပြီး စာဖတ်သူတို့ကို နှိပ်စက်ဖို့ အခုလိုလုပ်ရန် အကြံရရှိသွားခြင်းပါ။

ဖြူတုတ် စာဖတ်သူတို့ကို ပထမဆုံးတင်ဆက်ချင်တဲ့ သီချင်းလေးကတော့ မေဆွိနဲ့ ဟေမာနေဝင်းတို့ ဆိုထားတဲ့ 'မောင်' ဖြစ်ပါတယ်။ ဒီသီချင်းလေးဟာ ဖြူတုတ်ကို ဘယ်လိုအမှတ်ရစေလဲဆိုရင်...။ ဒီကို စာသင်ဖို့စရောက်ချိန်မှာ ဒေါ်လေးက Stress ကို Relieve လုပ်နိုင်အောင် ကျင့်ရမယ်ဆိုပြီး ဘာဝါသနာပါလဲ မေးပါရော။ ဖြူတုတ်လဲ သီချင်းဆိုတာ နဲနဲတော့ ဝါသနာပါတယ် လို့ပြောမိပါတယ်။ နောက်နေ့မှာ ဒေါ်လေးက စက်ကလေး ဝယ်ပေးလာပါတယ်။ ပထမဆုံး ဆိုဖြစ်ခဲ့တဲ့ သီချင်းလေးက ဒီ 'မောင်' ပေါ့။ ဘာရယ်လို့မဟုတ်ပါဘူး။ ဟေမာ့ရဲ့ အခွေမှာ ပထမဆုံးအပုဒ်မို့ ကောက်ဆိုလိုက်တာပါ။ ဆိုပါများလာတော့ အတော်လေး ချောလာပါတယ်။ ပိုဆိုးတာက ကိုယ့်ကိုယ်ကိုလည်း အတော်ဟုတ်တယ် ထင်လာရော။ ဟိုလူ့နားထောင်ခိုင်း ဒီလူ့နားထောင်ခိုင်းပေါ့။ ဒေါ်လေးတစ်ယောက်လဲ ဒိုင်ခံနားထောင်ရတာ နားညည်းလာတယ်ထင်ပ။ သူ့မိတ်ဆွေတွေ အိမ်လာလည်ရင် ပိတ်ဖမ်းပြီး ဖြူတုတ်ကို ပွဲထုတ်ရတဲ့ အဆင့်ကိုရောက်ပါလေရော။ အဲဒီအချိန်ကစပြီး ဖြူတုတ်ကိုယ့်ကိုယ်ကို သီချင်းဆို အရမ်းဝါသနာပါတာကို သိသွားတယ်။ အမှတ်တရအနေနဲ့ 'မောင်' သီချင်းလေးနဲ့စပြီး Record လုပ်ဖြစ်ပါတယ်။ ဖြူတုတ်ဆိုတာကြိုက်ရင် သီချင်းတောင်းလို့ရတယ် သိလား။ ဖြူတုတ်က ကြိုးစားပြီး မမောတမ်း မပန်းတမ်း ဆိုပေးအုန်းမှာ...။ (ဝါသနာက ထိမ်းလို့ကို မရတော့ဘူး။ ကြော်ငြာကို အပြီးဝင်ထားလိုက်ရော။ လန့်တော့မသွားကျပါနဲ့အုန်း။)

မောင် ကိုနားထောင်ပြီး ဝေဖန်ပေးပါအုန်းနော့။

ကျေးဇူးတင်ပါတယ်

ဖြူတုတ်လေး

ယဉ်တကိုယ်မယ်အတွက်'ယ'

2009-10-12T23:02:00.001-04:00

မနေ့က Tag Post ရဲ့အဆက်လေးပါ။ ဒီတခေါက်တော့ မြန်မာလိုလေးပေါ့နော်။ ယဉ်တကိုယ်မယ်ဆိုတော့ 'ယ' ပေါ့။ စာဖတ်သူတို့ အဆင်သင့်ဖြစ်ပြီဆိုရင် စလိုက်ကြရအောင်။

နာမည်က... ယဉ်တကိုယ်မယ် လို့ခေါ်တွင်ပါတယ်

ပြောချင်တဲ့စကားလေး လေးလုံးက... ယဉ်ကျေးလိမ္မာ

ကောင်လေးနာမည်က... ယဉ်မင်းပိုက်

ကောင်မလေးကတော့... ယမင်းသူ

လုပ်ချင်တဲ့အလုပ်က... ယဉ်ကျေးမှူကို ထိမ်းသိမ်းချင်ပါတယ်။

အရောင်ထဲမှာတော့... ယင်းမာပန်းရောင် ( စိမ်းဝါဝါလေးပါ )

ဘာဝတ်ထားလဲဆိုတော့... ယောထဘီ

ဘာအစားအစာကြိုက်လဲဆိုရင်... ယုဇန ချင်းသုတ်

ရေချိုးခန်းထဲတွေ့တာတော့... ယပ်တောင်ပုံ ခေါင်းစည်းကြိုး

နေရာကတော့... ယောမြို့

ဘာဖြစ်လို့နောက်ကျလဲဆိုတော့... ယာဉ်ကြောပိတ်ဆို့မှူ

အော်ချင်နေတာကတော့... ယာဉ်စည်းကမ်း လမ်းစည်းကမ်း ထိန်းသိမ်းကြပါ။

ဇာတ်ကားထဲမှာတော့... ယိမ်းနွဲ့ပါးဓား

ဘာသောက်ချင်လဲဆိုတော့... ယာဂု

တီးဝိုင်းနာမည်က... ယက်(ဇ်)

တိရစ္ဆာန်နာမည်က... ယုန်

လမ်းနာမည်ကတော့... ယောမင်းကြီးလမ်း

ကားက... ယှဉ်မောင်းနိုင်တဲ့ကား (Ferrari နဲ့)

သီချင်းလေးထဲမှာ... ယဉ်တစ်ကိုယ်မယ် (ဦးအံ့ကြီးဆိုတာရော ထွန်းထွန်းဆိုတာပါ ကြိုက်တယ်)

ကြိယာထဲမှာတော့... ယှဉ်တွဲသည်။

ကျေးဇူးတင်ပါတယ်
ဖြူတုတ်လေး

'Y' for Yintakomae

2009-10-12T17:14:00.000-04:00

ဆုမွန် Tag လုပ်သွားတာပါ။ ဖြူတုတ်ရဲ့ ပထမဆုံး Tagမို့ super excited ဖြစ်ရပါတယ်။ ဖြူတုတ်က ကိုယ့်ကိုယ်ကို 'ဖြူတုတ်'လို့ နာမ်စားသုံးသော်လည်း ဆုမွန်က 'ယဉ်တကိုယ်မယ်' အဖြစ် Tag တဲ့အတွက် ဖြူတုတ် 'Y' နဲ့ 'ယ' ကို သုံးပါရစေ။ ဆုမွန်နဲ့ စာဖတ်သူအားလုံး နှစ်သက်လိမ့်မယ်လို့ မျှော်လင့်ပါတယ်။ ဖြူတုတ်စပြောတော့မယ်နော်...

1. What is your name : YinTaKoMae
2. A four Letter Word : Year
3. A boy's Name : Yan Aung
4. A girl's Name : Yadanar Pon
5. An occupation : Yale Professor
6. A color : Yellow
7. Something you'll wear : Yankee Hat
8. A food : Yogurt
9. Something found in the bathroom : Yves Saint Laurent Toner
10. A place : Yellowstone
11. A reason for being late : You
12. Something you'd shout : Yummy
13. A movie title : You've Got Mail
14. Something you drink : Yakult
15. A musical group : Ying Yang Twins
16. An animal : Yak
17. A street name : York Street
18. A type of car: Yogo
19. The title of a song : You Are Not Alone
20. A verb : Yield

ဖြူတုတ် 'ယ' ကိုပါ တခါတည်း တင်မယ်လို့ စိတ်ကူးပေမဲ့လည်း နဲနဲခက်နေလို့ နောက်နေ့ကျရင် တင်ပေးပါ့မယ်။

ကျေးဇူးတင်ပါတယ်
ဖြူတုတ်လေး

ဖြူတုတ်နှစ်သက်မိသော အမျိုးသားများ

2009-10-10T00:58:00.000-04:00

ဖြူတုတ်တင်ချင်တဲ့ ပို့(စ်)ကအသစ်လေးက မှန်းထားတာထက် ပိုကြန့်ကြာနေတယ်။ ဖြစ်ချင်တော့ ဖြူတုတ်ပြင်လေ ပိုမှားလေ၊ ပိုဖတ်လို့မကောင်းလေ။ ကိုယ်တောင်မကြိုက်မှတော့ စာဖတ်သူတို့အတွက် အဆင်ပြေဖို့ ဆိုတာကတော့ ဝေလာဝေးပေါ့။ အဲဒါနဲ့ စိတ်အပြောင်းအလဲ ဖြစ်အောင်ဆိုပြီး ဖြူတုတ်ရဲ့ Collection ဓာတ်ပုံလေးများကို ဟိုဟိုဒီဒီ ပြန်ကြည့်မိရင်းနဲ့ ဒီPostလေးကို ကြားဖြတ်တင်ဖို့ စိတ်ကူးမိပါတယ်။ ဖြစ်ချင်တော့ Collection ဆိုပေမဲ့ ဓာတ်ပုံတွေလို တောင်ရောက်မြောက်ရောက် download လုပ်ထားယုံပဲရှိတာ။ ဆိုတော့...သပ်သပ်ရပ်ရပ်လေးဖြစ်အောင်ဆိုပြီး နောက်ခံသီချင်းလေးနဲ့ ဓာတ်ပုံအယ်(လ)ဘမ်လေး လုပ်လိုက်မယ်ပေါ့။ လုပ်ရင်းနဲ့ စိတ်ကတော်တော်လေး ပြန်ကြည်လင်လာပါတယ်။ အစစအဆင်ကိုချောလို့။ ရွေးထားတဲ့ သီချင်းအရှည်နဲ့ ဓာတ်ပုံအရေအတွက်ကလဲ ကွက်တိပဲ။ Preview လည်း ကြည့်ပြီးပြီ။ အကုန်အဆင်ပြေတယ်။ Post လုပ်ဖို့ပဲကျန်တော့တယ်။ အဲဒီလောက်တောင် ရှောရှူနေရင်တော့ သိပ်မဟုတ်တော့ဘူး။ ဖြူတုတ် တစ်ခုခုလုပ်တိုင်း (ကြီးသည်ဖြစ်စေ၊ ငယ်သည်ဖြစ်စေ) အဖုအထစ်လေးတွေ ရှိတတ်တော့လေ။ တွေးလို့မှမဆုံးသေးဘူး Bloggerမှာ ဗွီဒီယိုတင်လို့ မရတာကိုသွားတွေ့တယ်။ ကဲပါလေ ဖြူတုတ်ရဲ့ ညည်းချင်းနဲ့ ရှည်မနေတော့ပါဘူး။ အဲဒါနဲ့ပဲ YouTube မှာတင်လိုက်ပြီး လင့်(ခ)လုပ်ပေးလိုက်ပါတယ်။ ဖြူတုတ်နဲ့ အကြိုက်ချင်း တူကြလားဟင်? အခုရွေးထားသူတွေက များသောအားဖြင့် သူတို့ရဲ့ရုပ်ကို ကြိုက်တာပါ။ အရည်အချင်းနဲ့ပတ်သက်ပြီး နှစ်သက်မိသူတွေ သတ်သတ်ရှိပါတယ်။ နောက်တခေါက် ပေါ့နော်။ ဒီမှာ ရှုစားလိုက်ပါအုံး။

ဒါနဲ့လေ မဆုမွန်ရဲ့ ကျေးဇူးကြောင့် Tag ခြင်းရဲ့သဘောသဘာဝကို ဖြူတုတ်နားလည်သွားတယ်။ ဒီ Post အတွက် ဖြူတုတ်ကို ဆက်ရေးပေးစေချင်သူများကတော့ မဆုမွန်၊ Rita၊ ကြည်ဖြူပိုင် နှင့် ခရေညို တို့ဖြစ်ပါတယ်။ အားတဲ့အခါပေါ့နော်။ ဒါပေမဲ့ ဖြူတုတ်စောင့်ဖတ်နေမယ်လို့ ပြောပါရစေ။

ကျေးဇူးတင်ပါတယ်
ဖြူတုတ်လေး

ဖြူတုတ်လေးနဲ့ဘူးရို

2009-10-04T22:13:00.000-04:00

ဒီခေါင်းစဉ်ကိုဖတ်ပြီး စာဖတ်သူတို့တော့ ဖြူတုတ်လေး 'ဘူးယို'ကိုဘယ်လို လုပ်ပါလိမ့်ဆိုပြီး စိတ်ဝင်စားသွားကြမလား မသိဘူး။ စိတ်ဝင်စားသူများရှိရင် ဖြူတုတ်လေးက မနှမြောတတ်ပါဘူး။ နည်းလမ်းကို မျှဝေပေးလိုစိတ် အပြည့်ရှိပါတယ်။ ဆရာစားချန်လိုစိတ် နည်:ပါးပုံများဆိုရင် ပြောရအုန်းမယ်... ကိုးတန်းတုန်းက သချာင်္ နဲ့ဓာတုလာလာမေးတဲ့ သူငယ်ချင်းကို စာရှင်းကောင်းတာ ပထအစမ်းအမှတ်စာရင်းလဲထွက်ရော သူကကိုယ့်ထက် အမှတ်သာသွားလို့။ ဖြူတုတ်ကတော့ ကိုယ်ရှင်းပြလိုက်လို့ဆိုပြီးတော့ သိပ်ဂုဏ်ယူတာပေါ့။ သူငယ်ချင်းက လာကျေးဇူးတင်တော့လည်း တပြုံးပြုံးနဲ့။ အိမ်ရောက်တော့မှ မိုးမွှန်အောင် အဆူခံရတာ။ ထုံလို့တဲ့။ (ဟုတ်တယ်... စာပြိုင်တဲ့နေရာမှာ ကလေးတွေကတော်တော်ရယ၊် မိဘတွေ စိတ်အားထက်သန်ပုံများ စာမေးပွဲဝင်မဖြေယုံတမယ်ပဲ။) ဖြူတုတ်ကတော့ အမှတ်သည်းခြေမရှိပါဘူး။ စာလာမေးသူရှိတိုင်း ဖြေမြဲပဲ။ ကောင်းတာလုပ်တာပဲဟာနော့။ အခုတော့ ကျောင်းသားဘဝက လွန်မြောက်ပြီး အလုပ်ခွင်ဝင်လာပြီဆိုတော့ အဲဒီအကျင့်ကို ကြိုးစားပြီးပြုပြင်နေရတယ်။ အပြိုင်အဆိုင်လေးတွေ ရှိတာကိုး။ ကိုယ့်ရဲ့ Approachကို ကိုယ့်ရဲ့Collegueနဲ့ Shareလုပ်လို့မှ မဖြစ်တော့ပဲလေ။ ပြောရင်းပြောရင်းနဲ့ ပြောချင်တဲ့ အကြောင်းအရာကနေ သွေထွက်သွားပြန်ပြီ။ ပြန်ဆက်ရရင်... အရာရာကို အသေးစိတ် 'က'ကြီးကနေ 'အ'အထိ တင်ပြချင်တတ်တဲ့ ဖြူတုတ်ရဲ့ အကျင့်အတိုင်း စာဖတ်သူ သိချင်နေတဲ့ 'ဘူးယို' ဘယ်လိုစဖြစ်လာတယ် ဆိုတာကနေ စလိုက်ကြရအောင်လား။

ဒီနေ့ သောကြာနေ့မနက်ဖြစ်ပေမဲ့ ဖြူတုတ် အိပ်ရာက တော်တော်နောက်ကျမှ ထဖြစ်တယ်။ ဘယ်လောက်နောက်ကျလည်းဆို မနက်၁၀နာရီလောက်မှ ထဖြစ်တာ။ (ညက Blog တွေ အလည်လွန်သွားလို့) 'ဟားဟား ဖြူတုတ်လေးတော့ အလုပ်နောက်ကျပြီ၊ ကွိုင်တက်ခံရတော့မယ်ဆိုပြီး စိုးရိမ် (သို့မဟုတ်) ဝမ်းသာသွားကြသလား' ဘယ်ရမလဲ။ ဒီနေ့က ဖြူတုတ်ရဲ့ Day Off လေ။ နို့မဟုတ်ရင်ဖြူတုတ် အဲလောက်ထိ ဘယ်အိပ်ရဲမလဲ။ အလုပ်သွားရမဲ့ နေ့တွေများဆိုရင် ဖြူတုတ်ရဲ့အိပ်ခန်းဟာ နှိုးစက်နာရီအရောင်းဆိုင်နဲ့ နင်လားငါလား ဆိုရမလောက်ပဲ။ ခုတင်ခေါင်းရင်းမှာကတစ်လုံး၊ အိပ်ရာပေါ်မှာ နားနဲ့နီးနီးကပ်ကပ်ကတစ်လုံး၊ ခုတင်ခြေရင်းမှာက တစ်လုံး၊ ဒါတင်မက cell မှာကလဲ ငါးမိနစ်တစ်ခါ Alarmက သုံးခုတောင် Set ထားလိုက်သေးတာ။ ဖြူတုတ်တို့အအိပ်မက်ပုံက ကာလနဂါးကတောင် ဘွားတော်ခေါ်ရလောက်မဲ့အထိ။ ဒီလိုနဲ့ ကိုယ်လက်သန့်စင်ပြီး မီးဖိုခန်းထဲမှာ နံနက်စာစားဖို့စောင့်နေတဲ့ ဒေါ်လေးဆီကို ခပ်သွက်သွက်ပဲ လျှောက်လာခဲ့ပါတယ်။ 'Good Morning' ဒေါ်လေး! ဝင်ထိုင်ပြီးသကာလ ကောက်ညှင်းပေါင်းနဲ့ပဲပြုပ်ကို အပီလွေးတော့တာပါပဲ။ ဟုတ်တယ်... မစားရတာကြာလှပြီ။ စားတော်ပဲကို ဒီမှာရှာမရလို့။ လွန်ခဲ့တဲ့ နှစ်ပတ်လောက်ကမှ ကုလားဆိုင်တစ်ဆိုင်မှာ ရှာလို့တွေ့လို့ ညကအစမ်းပြုတ်ကြည့်တာ။ စံချိန်မှီမဟုတ်ပေမဲ့ စားလို့ရတဲ့အဆင့်တော့ ထွက်လာပါတယ်။ စားရင်းနဲ့ ထုံးစံအတိုင်း ဒေါ်လေးဖတ်ထားသမျှနဲ့ ဖြူတုတ်ဖတ်ထားသမျှ ရောက်တတ်ရာရာ အတွေးအမြင်ခြင်း ဖလှယ်ကြတာပေါ့လေ။ ပြောရင်းဆိုရင်းနဲ့ပဲ ဒေါ်လေးက ဖြူတုတ်ရဲ့ ဒုတိယမြောက်ကြိုးပမ်းမှူ 'ထွန်းထွန်းသို့ပေးစာ'အကြောင်း စကားစလာပါတယ်။ စာကတော့ တော်တော်လေး မချောသေးဘူးပေါ့၊ ဒါပေမဲ့ ဖတ်လို့တော့ရတယ်၊ ဆက်ကြိုးစားပေါ့။ ဖြူတုတ်ကြိုတင်မျှော်လင့်ထားပြီးသား အကျိုးပြုဝေဖန်ရေးမို့ ခေါင်းတစ်ချက်ဆတ်ပြီး စားမြဲအတိုင်း ဆက်စားနေလိုက်တယ်။ ဝေဖန်ရေးကဒီမှာတင် ဆုံးပုံမရဘူး။ ဒေါ်လေးဆီကနေ နောက်တစ်ခုဆက်ပြောဖို့ အရှိန်ယူတဲ့အနေနဲ့ အသက်ရှူသံခပ်ပြင်းပြင်းကို ကြားလိုက်ရတယ်။ ပြောသင့် မပြောသင့် စဉ်းစားနေဟန်ထင်ပါ့။ အလိုက်သိစွာနဲ့ပဲ ဖြူတုတ်က 'ဒေါ်လေး ဆက်ပြောစရာရှိရင် ပြောလေ'ဆိုပြီး စလိုက်တော့... ဒေါ်လေးကပြုံးစစနဲ့ ဖြူတုတ်ကို စပြီးဗျူးပါတော့တယ်။

ဒေါ်လေး။ ။ ညည်းဘိုရူးဖြစ်နေရခြင်း အကြောင်းကို မေးချင်တာပါအေ။

ဖြူတုတ်။ ။ ဟွန်... ဒေါ်လေးစကားကလဲ အဆန်းပါလား။

ဒေါ်လေး။ ။ ဟုတ်တယ်လေ...ညည်းက ထွန်းထွန်းဆီကို ဘာအဆန်းထွင်ပြီး အင်္ဂလိပ်လိုရေးရတာတုန်း။ ကိုယ့်မြန်မာအချင်းချင်း မြန်မာလိုရေးရင် ရရဲ့သားနဲ့။

ဖြူတုတ်။ ။အာ...ဒေါ်လေးကလည်း... မရေးချင်ဘဲရှိပါ့မလား။ ဖြူတုတ်က မြန်မာလို လက်ကွက်ကို သေချာကျင့်မလာခဲ့တော့ လုံးဝကိုမရိုက်တတ်ဘူး။ တချောင်းငင်တို့ အသတ်တို့ လုံးကြီးတင်တို့ကို ရှာရရင် ဒီတသက် ဒီစာက ထွန်းထွန်းဆီ ရောက်တော့မှာ မဟုတ်ဘူး။ အဲဒါနဲ့ပဲ စိတ်မြန်လက်မြန် အင်္ဂလိပ်လိုရေးလိုက်တာ။ သူ့ဆီမြန်မြန်ရောက်တော့ သူမြန်မြန်ဖတ်ရတာပေါ့။ ဟဲဟဲ

(ကိုယ့်စာကိုပဲ ထွန်းထွန်းက မျှော်နေသယောင်ယောင်)

ဒေါ်လေး။ ။ ညည်းအခု စာတွေရေးနေတော့လဲ မြန်မာလိုရေးပြီး ဟုတ်နေတာပါပဲလား။

ဖြူတုတ်။ ။အခုတော့ Burglish Test Engine (BTE) ကိုသုံးပြီးရေးနေတာ ဒေါ်လေးရ။ မြန်မာလိုအသံထွက်ကို အင်္ဂလိပ်စာလုံးနဲ့ရိုက်ရင် မြန်မာစာလုံးပေါင်းအဖြစ် ပြောင်းပေးတယ်လေ။

(Blogလေး စထောင်ပြီး စာရေးမယ်လို့လည်း စိတ်ကူးရော ဖြူတုတ်က မြန်မာလိုလေးရေးပြီး အရမ်းကိုတင်ချင်တာ။ ဖြူတုတ်အဖြစ်မရှိပုံနဲ့ ဘယ်လိုလုပ်ရပါ့။ လက်ကွက်ကြီးကို မကျင့်ရဘဲ ဖြတ်လမ်းက လိုက်လို့ရမဲ့နည်းကို ရှာရတာပေါ့။ ထုံးစံအတိုင်း Google ရတာပေါ့လေ။ Burglish လို့လဲ Search Boxမှာ ထည့်ရိုက်လိုက်ရော BTEကို တန်းတန်းမတ်မတ် တွေ့တော့တာပါပဲ။ ဘာပြောကောင်းမလဲ၊ ဖြူတုတ်တစ်ယောက်တော့ မျောက်အုန်းသီးရ ဆိုသလိုပဲ။ တကယ်ပျော်တာပါ။ ဒီsiteကိုရေးဖို့ideaရတဲ့သူကို အရမ်းကျေးဇူးတင်ပါတယ်။)

ဒေါ်လေး။ ။အဲဒါဆိုလဲ မန့်တဲ့နေရာမှာရော ဘာလို့ မြန်မာလိုတခါ အင်္ဂလိပ်တမျိုး ဖြစ်နေရတာတုန်း။ ညည်းကိုတော့ ဘိုရူးလို့ ပိုပြီးသတ်မှတ်လို့ရသွားတာပေါ့။

(ကြုံတုန်း ပြောရအုန်းမယ်။ ဖြူတုတ် Blog လောကကိုစဝင်ကတည်းက ဒေါ်လေးဟာ ဖြူတုတ်ရဲ့ စိတ်ဝင်စားမှူအသစ်အတွက် ဝမ်းသာပီတိ ဂွမ်းဆီထိဆိုသလိုဖြစ်ပြီး ဖြူတုတ်ရေးသမျှ မန့်သမျှကို တပြုံးပြုံးနဲ့ လိုက်အားပေးနေသူရယ်ပါ။ ဖြူတုတ် ဘယ်သူ့Siteမှာ ဘာကိုဘယ်လို မန့်တယ်ဆိုတာ သူအကုန်သိပေါ့။ ဖြူတုတ်ကို နဲနဲလောက် ပေါခွင့်ပြုမယ်ဆိုရင်... ဒေါ်လေးဟာ ဖြူတုတ်ရဲ့ တစ်ဦးတည်းသော လိုင်စင်ရ Parparazi ဆိုပါတော့။)

ဖြူတုတ်။ ။အမယ်လေး ဒေါ်လေးရယ် သူခိုးကို တုတ်နဲ့ရိုက်စစ်တာ ကျနေတာပဲ။ ပြီးတော့လဲ သူများကို ဘိုရူးလို့ထပ်ခေါ်ပြန်ပြီ။ ဘာရယ်လို့မဟုတ်ပါဘူး။ ဖြူတုတ်စိတ်က လောမနေဘူးဆိုရင်ရင် BTEလေးသုံးပြီး မန့်လိုက်တယ်။ တခါတလေကျတော့လည်း အရမ်း excited ဖြစ်ပြီးမြန်မြန်မန့်ချင်ရင် BTEကြီးLoadတာကို မစောင့်နိုင်တော့ပဲ အင်္ဂလိပ်လိုပဲမန့်လိုက်မိတာ။ အဆန်းထွင်တာ မဟုတ်ရပါဘူး ဒေါ်လေးရယ်။

(လူဆိုတာ မျောက်က ဆင်းသက်လာတယ်ဆိုတဲ့ Darwin ရဲ့အဆိုအရ ဖြူတုတ်ရဲ့စိတ်ဟာ မျောက်စိတ်လိုပဲဆိုတာ အထင်းသားပါကလားနော်... အရပ်ကတို့ရေ)

ဒီစကားလေးအဆုံးမှာတော့ ဒေါ်လေးဟာ ဖြူတုတ်ရဲ့ ဘိုရူးမဟုတ်ရပါကြောင်း လျှောက်လဲချက်ကို လက်ခံသွားတယ်ထင်ပါ့။ သူ့ကော်ဖီလက်ကျန်နဲ့ ဗိုက်တာမင်ဆေးတောင့်လေးတွေကို ဆက်မျှောချနေလေရဲ့။ ကဲ... စာဖတ်သူ မျှော်လင့်နေတဲ့ ဘူးယိုဖြစ်စဉ်ဟာ ဖြူတုတ်ပြောပြခဲ့တဲ့ ဖြစ်စဉ်နဲ့ ကိုက်ညီရဲ့လား။ မကိုက်ညီဘူးဆိုရင် ဖြူတုတ်သိပ်မဆိုးဘူးပေါ့။ ကိုက်ညီတယ်လို့ဆိုရင် ဖြူတုတ်လှည့်စားတတ်အောင် ထပ်ပြီးကြိုးစားရအုံးမှာပေါ့။ ဖြူတုတ်ရဲ့ Postအသစ်အတွက် အတွေးအခေါ် ခန်းခြောက်နေချိန်မှာ ဒေါ်လေးရဲ့ မေးခွန်းလေးများဟာ ဖြူတုတ်အတွက်တော့ 'ရေငတ်နေတုန်း ရေတွင်းထဲကျ' ဆိုသလိုပါပဲ။ ဖြူတုတ်ရဲ့ စွဲမက်ဖွယ်အားနည်းတဲ့ စာကလေးအတွက် ခေါင်းစဉ်ကလေးကို ဟိုယောင်ယောင် ဒီယောင်ယောင်နဲ့ 'ဘူးရို'လို့လှည့်စားလိုက်မိခြင်းကို စာဖတ်သူ နားလည်လိမ့်မယ်လို့ မျှော်လင့်ရင်း....။

မှတ်ချက်။ ။ ဖြူတုတ် ကြိုတင်ပြီးမေတ္တာရပ်ခံပါရစေ။ ဒီစာကို မည်သူ့ကိုမှ ထိခိုက်စေသည့် ရည်ရွယ်ချက်နှင့် ရေးတာမဟုတ်ပါ။ ပျော်စေပျက်စေသဘောအဖြစ်သာ ရည်ရွယ်ပါတယ်။

ကျေးဇူးတင်ပါတယ်
ဖြူတုတ်လေး

ထွန်းထွန်းသို့ပေးစာ

2009-09-27T02:02:00.004-04:00

ဒီနေ့ စနေနေ့ဆိုတော့ ထုံးစံအတိုင်း သူငယ်ချင်းနဲ့ ဈေးဝယ်ထွက်ပြီး Lunchစားဖို့ Schedule ဆွဲထားပါတယ်။ မိုးလေဝသကတော့ ညနေမှာ မိုးဖွဲဖွဲရွာနိုင်တယ်လို့ ခန့်မှန်းထားတာပဲ။ မပြင်ဆင်ခင် အပြင်ကကောင်းကင်ကို လှမ်းကြည့်လိုက်တော့ တိမ်တွေညိုမဲပြီး မိုးအုံ့အုံ့ဖြစ် ရုံတင်မက မိုးပို့တဲ့ လေကပါ ခပ်ပြင်းပြင်းတိုက်နေတာကို သိလိုက်ရတယ်။ သေချာတာကတော့ ဒီမိုးဟာ ညနေအထိ မစောင့်တော့ဘူး။ ဒါနဲ့ ဖြူတုတ်လည်: အိမ်ထဲမှာပဲ ကွေးချင်စိတ် ပိုများသွားပြီး သူငယ်ချင်းကို မသွားဖြစ်တော့ဘူးလို့ ဖုန်းလှမ်းဆက်လိုက်တယ်။ သူငယ်ချင်းကတော့ အပြင်ထွက်မှာမို့ နေ့လယ်စာ ဘာမှချက်မထားဘူးဆိုပြီး ကွိစိကွစိတော့ နဲနဲလုပ်ချင်တယ်။ ချော့မော့ပြောနေတုန်းမှာပဲ သူ Takeoutမှာလိုက်တော့မယ်ဆိုပြီး ဖုန်းချသွားတယ်။ ကဲနားအေးသွားပြီ။ ဖြူတုတ်ကတော့ ပျော်တယ်။ ဘာကြောင့်လဲသိလား? ဖြူတုတ်အတွက် No Shopping ရဲ့ Trade Off သည် Blog ပေါ်ကို အသစ်တင်နိုင်ဖို့အတွက် စာရေးခြင်းလေ။ ဖြူတုတ်ရဲ့ အဖိုးတန်တဲ့ အားလပ်ချိန်လေးကို စာလေးရေးရင်းနဲ့ ကုန်ဆုံးစေမယ်ပေါ့။ (ဖြူတုတ်တို့များ စာလေးတစ်ပုဒ် ခြောက်တီးခြောက်ချက် ရေးပြီးခါစ ရှိသေးတယ် လေကတော့ ခပ်ကြီးကြီးပဲ) ဒါတောင်နော် ကိုယ့်ကိုကိုယ် တစက်မှ မရေးတတ်ဘူးလို့ ခံယူထားတဲ့သူ။ နို့မဟုတ်ရင်တော့ ... စာဖတ်သူရေ... ထားလိုက်ပါတော့လေ။ Whoppers ဘူး တစ်ဝက်လောက် ဝါးပြီးသွားချိန်မှာတော့ EUREKA (စိတ်ထဲက အော်တာပါ, အာခီမီးဒီးလိုလဲ စည်ပိုင်းထဲမှာရှိမနေပါဘူး)ဆိုပြီး ထခုန်လုနီးပါး ပျော်သွားပါတယ်။ ကုန်ကြမ်းရသွားပြီလေ။ ခေါင်းစဉ်က 'ထွန်းထွန်းသို့ပေးစာ'တဲ့။ ဟုတ်တယ်၊ ဟုတ်တယ် အခုခေတ်မှာ လူသိများနေတဲ့ ထွန်းထွန်း(Examplez) ကိုပြောတာ။ဒီခေါင်းစဉ်ကြောင့် ဖြူတုတ်ကိုတော့ ဆယ်ကျော်သက်လေးလို့မထင်လိုက်ကြပါနဲ့။ ဖြူတုတ် လူ့လောကကြီးထဲ ရောက်လာတာ decades နှစ်ခုကို တော်တော်ကျော်နေပါပြီ။ တချိန်တည်:မှာပဲ ဖြူတုတ် စဉ်းစားမိတာက ဆယ်ကျော်သက်တုန်းကတောင် ကလေးကလားဆန်တယ်ဆိုပြီး မင်းသားဆီစာရေးတဲ့ သူငယ်ချင်းတွေကို တားမြစ်ခဲ့တာ။ မင်းသားတွေက ဖတ်မှာမှမဟုတ်ဘူး၊ နင်တို့စာကိုဖုတ်လေတဲ့ငါးပိ ရှိတယ်လို့တောင် ထင်မှာမဟုတ်ဘူး ဆိုပြီးအာချောင်ခဲ့တာ။ အလုပ်တစ်ခုလုပ်ရင် အရာထင်မှလေ ဆိုပြီးလျှာရှည်ခဲ့တာ။ အဲဒီတုန်းက Physics မှာ Work Done သင်ထားကာစဆိုတော့ အဲဒီ Theory လေးတောင် ကိုးကားလိုက်သေးတယ်။ ကိုယ်ကရေးပြီး သူတို့ကဖတ်မှ Work Done ပေါ့။ နို့မဟုတ်ရင် နင်တို့အချိန် နဲ့စက္ကူ အလကားဖြစ်ရုံပဲပေါ့။ အမယ်လေး အဲဒီတုန်းက ကိုယ်ကသူတို့ထက် အပြန်တရာအသက်ကြီးတဲ့ လေသံနဲ့။ သူတို့ကတော့ ဖြူတုတ်ကို လူတွင်ကြယ်လေသံ နဲ့ဆိုပြီးတော့ မြက်စောင်းတစ်ချက် ရှဲခနဲခဲပြီး တခြားအကြောင်းကို စကားလွှဲသွားကြတယ်။ မှန်မှန်ဝန်ခံရရင် ဆယ်ကျော်သက်တုန်းကတော့ သူများလုပ်တိုင်း လိုက်လုပ်တဲ့သူ မဖြစ်ချင်ဘူးဆိုပြီး ဘာမှမဟုတ်တဲ့မာန ထားခဲ့ယုံသက်သက်လောက်ပါပဲ။ အခြောက်တိုက် ဘဝင်မြင့်တယ်ပဲ ဆိုရမလား။ (ကိုယ့်ကိုယ်ကို ဒီလိုအမွှန်းတင်ရတာ တမျိုးကြီးပဲ) အဲဒီလိုလုပ်ခဲ့တဲ့သူက အခု နှစ်ဆယ်ကျော် သုံးဆယ်နားနီးမှ ထွန်းထွန်းဆီကို စာရေးပြီး ဘာအရူးထချင်ရတာတုန်း မေး ရင်…။

ဖြစ်ချင်တော့ တရက်မှာ ညီမလေးဆီက Forward email တစ်ခုကိုစစ်ရင်းနဲ့ ထွန်းထွန်းနာမည်နဲ့ email addressကို သွားတွေ့တယ်။ အံ့အားတော့ နဲနဲသင့်သွားတယ်။ Save တော့ထားလိုက် တာပေါ့နော်။ အေးဆေးပါပဲ။ ဘယ်သူ့ကိုမှတောင် အဲဒီအကြောင်း မပြောဖြစ်ဘူး။ နောက်နှစ်ရက်လောက် အကြာမှာပဲ တိုက်တိုက်ဆိုင်ဆိုင် 'ပန်းသီးပုံပြင်'ကို ဒေါ်လေးနဲ့အတူ ကြည့်ဖြစ်ကြတယ်။ ညိုမင်းလွင် ရိုက်ပြီး ထွန်းထွန်းနဲ့အိဒြာ့္ဒကျော်ဇင် သရုပ်ဆောင်ထားပါတယ်။ တက္ကသိုလ်ကျောင်းသူနဲ့ ကျောင်းသားလေးရဲ့ အချစ်ဇာတ်လမ်းလေးပါပဲ။ မြန်မာကားထဲမှာတော့ တော်တော်သပ်ရပ်တယ် ဆိုရပါမယ်။ အထူးသဖြင့် ထွန်းထွန်းရဲ့ အမူအယာဟာ မပိုပဲ မျက်လုံးနဲ့ ထိမ်းပြီးသဘာဝခပ်ကျကျ သရုပ်ဆောင်သွားတာကို ဒေါ်လေးရော ဖြူတုတ်ပါ သတိထားမိကြပါတယ်။ (ဟုတ်ပါ့...ကိုရီးယားမင်းသား ဂျွန်စောကိုကြည့်ပြီး ဒီမျက်လုံးအမူအရာကိုပဲ စကားထဲထည့် ပြောနေကြတာ) ယေဘုယျအားဖြင့် မြန်မာသရုပ်ဆောင် တော်တော်များများဟာ အမူအရာ ပိုတတ်ကျပါတယ်။ Dialogue ပြောရာမှာ အပြင်မှာ သာမန်လူ စကားပြောသလို မဟုတ်ပဲ ဇာတ်အငွေ့အသက် နဲနဲပါချင်တယ်လို့ ဖြူတုတ်တို့ဝေဖန်လေ့ရှိပါတယ်။ အဲလို သမားရိုးကျတွေထဲကနေ နဲနဲခွဲထွက်လာဟန်ရှိတဲ့ ထွန်းထွန်းကို အားရမိတာတော့အမှန်ပါပဲ။ (ဖြူတုတ်တတ်လို့ဝေဖန်တာ မဟုတ်ပါဘူး။ အညတရ ပရိတ်သတ်တစ်ယောက်ရဲ့ အမြင်သက်သက်ကို ဝေမျှခြင်းပါ) ဖြူတုတ်ရဲ့ အားတက်သရောနဲ့ မှတ်ချက်ပေးနေတဲ့ပုံ ကိုကြည့်ပြီး နောက်ပြောင်ချင်တဲ့ဒေါ်လေးက 'ညည်း... ဦးဝင်းငြိမ်:ကတဆင့် Kudosပို့ပါလားလို့' ပြောပါတယ်။ အဲဒီတခဏမှာ ဖြူတုတ်လဲ ဘာစိတ်ကူးပေါက်တယ် မသိပါဘူး 'တကယ်ပို့စေချင်တာလားဆိုပြီး' အောက်မှာဖော်ပြမည့် ပေးစာကို တချောက်ချောက် ကောက်ရိုက်လိုက်ပါတော့သတည်း။ (သစ်ရွက်လှုပ်တိုင်း ရယ်တဲ့အရွယ် မဟုတ်တော့တဲ့ အခုအရွယ်မှာ ငယ်သူငယ်ချင်းတွေက ထောက်ပြလာရင် ဖြူတုတ်ရဲ့ဆင်ခြေကတော့ မိတ်ဆက်စာရေးတာ မဟုတ်ပါဘူးလို့။ email ပို့တဲ့အတွက် သူဖတ်ဖြစ်မှာပါလို့။ သူ့ကို On Line မှာ အစိမ်းရောင်ဘောလုံးလေး ဖြစ်နေတာကို တွေ့တွေ့နေပါတယ်လို့။နောက်ပြီးတော့လေ လူကြီးဆန်ဆန် ချီးကျူး အကြံပြုခြင်းပါလို့ ပြောရင်းနဲ့ပဲ...)

ဖြူတုတ် အမြီးအမောက်မတည့်စွာ ရေးထားတဲ့ English ကို မြန်မာလိုမချောမွေ့စွာ ဘာသာပြန် ပေးထားပါတယ်။ သည်းခံပြီး ဖတ်ပေးကြပါ။ ထွန်းထွန်းက ဖြူတုတ်ထက် ငယ်တဲ့အတွက် 'ထွန်းထွန်း' လို့ပဲ ပိုင်ပိုင်နိုင်နိုင် ခေါ်လိုက်ပါတယ်။

Hi Tun Tun,

How are you? It's been a while that I haven't watched a good movie of yours since 'Daw Mi Mi Khine'. Today, I've just watched 'Apple Story'. Your performance was so good so that we felt as if our attention was deeply nailed in the movie. I am so pleased and very proud of you. If you can maintain the same quality of being natural and expressive eyes for the upcoming movies, you can even surpass Nay Toe. If I must tell you, Nay Toe just has the look but his acting skill is so so. In my opinion, yours is far better than Nay Toe. One thing I'd like to suggest is that for you to keep on working harder on your eye expressions if you can. Unlike other actors, you are very humble and hard working. We can see the improvements in you. We'll always be your fan no matter what you do. But thank you very much for working so hard for the fans. Please keep up the good work.

I know that you are such a busy actor. So, I will no longer take up your time with my lengthy letter. I hope that you will come and perform in the U.S soon. All the best and take care!

Your DieHard Fan,

###

ချစ်တဲ့ ထွန်းထွန်း

ကျန်းခန့်သာလို့မာပါရဲ့လား။ 'ဒေါ်မိမိခိုင်ရဲ့ ...' ပြီးကတည်:က မင်းရဲ့ဗွီဒီယိုကောင်းကောင်းလေးတွေ မကြည့်ရတာကြာပြီနော်။ ဒီနေ့တော့ 'ပန်းသီးပုံပြင်' ကိုကြည့်ဖြစ်တယ်။ မင်းရဲ့သရုပ်ဆောင်မှူဟာ ကောင်းလွန်းတဲ့အတွက် တို့တွေရဲ့စိတ်ဝင်စားမှူကို ရုပ်ရှင်ထဲမှာ သံနဲ့စွဲနေအောင် နှက်ထားလိုက်သလို ခံစားရပါတယ်။ ကိုယ်အရမ်းကျေနပ်ပြီး မင်းအတွက်ဂုဏ်လဲယူပါတယ်။ မင်းရဲ့ သဘာဝကျမှူနဲ့ expressiveဖြစ်တဲ့မျက်လုံးသရုပ်ဆောင်မှူကို အခုအတိုင်းဆက်လက်ထိမ်းသိမ်းသားနိုင်မယ်ဆိုရင် မင်းနောက်ရိုက်မဲ့ကားတွေမှာ နေတိုးကိုတောင်ကျော်သွားနိုင်ပါတယ်။ မင်းကိုပြောရမယ်ဆိုရင် နေတိုးကရုပ်ချောတာပဲရှိတာ၊ သရုပ်ဆောင်မှူကတော့ သာမန်ပါပဲ။ ကိုယ့်အမြင်ပြောရရင် မင်းရဲ့သရုပ်ဆောင်မှူက အပြတ်အသတ်သာပါတယ်။ ကိုတစ်ခုထပ်ပြီး အကြံပြုချင်တာကတော့ မင်းမျက်လုံးသရုပ်ဆောင်မှူကို တိုးတက်အောင် ဆက်ပြီးကြိုးစားသွားဖို့ပါပဲ၊ မင်းလုပ်နိုင်မယ်ဆိုရင်ပေါ့။ မင်းဟာတခြားမင်းသားတွေနဲ့မတူဘဲ ကိုယ့်ကိုယ်ကိုနှိမ့်ချပြီး အလုပ်ကြိုးစားသူပါ။ မင်းရဲ့ တိုးတက်မှူတွေကိုလည်:တွေ့နေရပါတယ်။ မင်းဘာပဲလုပ်နေနေ တို့ဟာမင်းရဲ့ပရိသတ် အမြဲဖြစ်နေမှာပါ။ ပရိသတ်တွေအတွက် ကြိုးစားနေတာကို ကျေးဇူးတင်ပါတယ်။ ကြိုးစားမှူကို ထိမ်းသိမ်းထားပါ။

မင်းဟာ အလုပ်များတဲ့သရုပ်ဆောင်တစ်ယောက်ဆိုတာ ကိုယ်သိပါတယ်။ ဒါကြောင့် ကိုယ့်စာအရှည်ကြီးနဲ့ မင်းရဲ့အချိန်ကိုမယူတော့ပါဘူး။ မင်းမကြာခင်မှာ USကိုလာပြီး ဖျော်ဖြေလိမ့်မယ်လို့ မျှော်လင့်ပါတယ်။ ဆုမွန်ကောင်းများစွာနဲ့ ဂရုစိုက်ပါနော်။

မင်းရဲ့အသည်:စွဲပရိသတ်
###

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

ကျေးဇူးတင်ပါတယ်။

ဖြူတုတ်လေး

Blogging နှင့်စပ်လျဉ်းရွေ့

2009-09-25T00:39:00.000-04:00

လွန်ခဲ.တဲ.ရက်အနည်:ငယ်ကအထိ စာရေးဖို့ဆိုတာ ဖြူတုတ်တို့ ခေါင်းထဲမှာတောင် မရှိပါဘူး။ မရေးချင်တာ မဟုတ်ဘူးနော်။ ရေးချင်လိုက်တာမှ တပိုင်းကိုသေလို့။ ဘာကြောင့်လဲဆိုတော့ ဖေဖေနဲ.ဒေါ်လေး အပါအဝင် သူတို့ဘက်ကအမျိုးတွေက စာပေအရမ်းဝါသနာပါကြတယ်။ စာတိုပေစလေးတွေရေးပြီး အမျိုးတွေထဲမှာ သူ့လက်ရာနဲ.ကိုယ့်လက်ရာ အချင်းချင်:လဲလှယ် ဖတ်ရှူဝေဖန်လေ့ရှိကြတယ်။ အဖိုး (ဖေဖေ့ရဲ့အဖေ)ဆိုရင် သူ့ရဲ့ခရီးသွားမှတ်တမ်းလေးတောင် စာအုပ်ထုတ်ဖူးတယ်။ ဦးလေးဝမ်းကွဲ တစ်ယောက်ဆိုရင် မြန်မာပြည်မှာ တော်တော်လူသိများတဲ. စာရေးဆရာလေ။ ဒီပုတ်ထဲက လာမှတော့ ဒီပဲလိုပဲ ဖြစ်ချင်တာပေါ့။ ချွတ်စွတ်မဟုတ်ရင်တောင် အငွေ့အသက်ကလေးတော့ ပါချင်တာပေါ့။ အဲဒါကြောင့် ငယ်ငယ်ကတည်:က စာစီစာကုံးတွေ ရေးရင်းကို့အစွမ်:အစကို စမ်းသပ်ခဲ.ပါတယ်။။ တောက်လျှောက် ဆယ်တန်းအထိပါပဲ။ ဒါပေမယ်. ဖြူတုတ်ရေးလိုက်တိုင်း စိတ်ထဲမှာ တခုခုမပြည့်စုံသလို ခံစားရတယ်။ ကိုယ့်အရေးအသားက နူးနူးညံ့ညံ့ ချောချောမွေ့မွေ့နဲ. ဆွဲဆောင်မှူမရှိနေဘူးဆိုပြီး အားမရဘူး။ ဆယ်တန်းအောင်စာရင်းလဲ ထွက်ရော ကိုယ်သိပ်အဖြစ်မရှိတာ သေချာသွားရော။ မြန်မာစာဘာသာ တစ်ခုတဲပဲ သုံးမှတ်နဲ. ဂုဏ်ထူးကပ်ပြုတ်ခဲ.တယ်လေ။ တော်တော် ဝမ်းနည်:ခဲ.ပါတယ်။ အဲဒီအချိန်ကစပြီး ဖြူတုတ်လည်:ပဲ ကိုယ့်talentကတော့ စာရေးရာမှာ မရှိဘူးဆိုပြီး ဒီလိုပဲ ထားလိုက်ပါတော့တယ်။ ကောင်းအောင် ရေးနိုင်လိမ့်မယ်ဆိုတဲ. ယုံကြည်ချက်လည်: မရှိတော့ပါဘူး။ ကိုယ့်စာဖတ်သူကိုလည်း အချိန်ကုန် မျက်စိညောင်: မဖြစ်စေချင်ဘူးလေ။ သူများ ကောင်:ကောင်:ရေးတာလေးတွေပဲ ဖတ်တော့မယ်ပေါ့။ မေ့မေ့ပျောက်ပျောက် ပါပဲ။ ပြီးတော့ ကိုယ်သွားတဲ. လိုင်းကလဲ Lab Report ဖန်တရာတေအောင်ပဲ ရေးရတဲ. Research ဆိုတော့...။

ဟော... အချိန်တွေ ကုန်မှန်းမသိ ကုန်သွားရင်း BLOG ခေတ်ကြီးကို ရောက်လာပါတယ်။ BLOGရောဂါပိုးက ဖြူတုတ်ဆီကို တော်တော်နဲ. မကူးစက်လာဘူး။ ကိုယ့် Gtalk၊ ကိုယ့်Facebook၊ ကိုယ့်Scrabbleနဲ.ကိုယ် အလုပ်ရှုပ်နေတုန်းပါ။ ဒေါ်လေးကတော့ အဲဒီအချိန်မှာ နေ့မနားညမအားနဲ. BLOGရောဂါပိုး ကြွမ်းနေပါပြီ။ သူ့ဆီကနေ တနေ့တနေ့ ကိုပေါကတော့ ဘယ်လို Controversial Issue တင်လိုက်ပြန်ပြီ၊ မိုးချိုသင်းကတော့ ဘယ်လိုPostလေးနဲ.ဟာသလေးနှောလိုက်ပြန်ပြီ၊ နိုင်းနိုင်းစနေရဲ့ ဘယ်ဘာသာပြန်လေးကဖြင့် ရင်ကိုနင့်သွားစေတယ်၊ ရွာသားလေးရဲ့ ဘယ်ကဗျာလေးကတော့ ဘယ်လိုနုလို့ စသဖြင့် နေ့စဉ်ရက်ဆက်ကြား ကြားနေရပါတယ်။ ကြားရဖန်များလာတော့ ဖြူတုတ်လည်:ပဲ ကဲ... ကိုယ်လဲခေတ်နောက်ကျလို့ မဖြစ်တော့ဘူးဆိုပြီး Scrabble ချိန်ကိုနှုတ်၍ BLOG လည်သူဘဝကို ချဉ်းနင်းဝင်ရောက်ခဲ.ပါတယ်။

Blog လည်သက်လေးရင့်လာတော့ သူများတွေ ကိုယ်စီကိုယ်ငှ BLOGတွေ ပိုင်နေကြသလို ဖြူတုတ်လဲ ကိုယ်ပိုင်တစ်ခုတော့ ရှိချင်လာတယ်။ (အပြိုင်အဆိုင် စိတ်ဓာတ်လေးလေ) ရှိပြီးရင်ရော ဘာလုပ်မှာလဲ? ဟုတ်ပြီ... သူငယ်ချင်းတွေဆီက ရလာတဲ. Forwardနဲ့ကိုယ်ဖတ်မိတဲ့ ကောင်းနိုးရာရာလေးတွေ စုမယ်။ ကိုယ့်စိတ်ကူးအတိုင်း တခုပြီးတခု ဖြစ်မြောက်လာတဲ.အခါမှာ အတွေးတစ်ခုထပ်ဝင်လာပြန်တယ်။ အဲဒါကတော့ ကိုယ်လဲ သူများလို ကိုယ်တိုင် ရေးပြီးတင်နိုင်ရင် သိပ်ကောင်းမှာပဲ ဆိုတဲ.အတွေးလေ။ အလည်တွေ သွားသွားပြီး သူများရေးထားတာလေးတွေကို သွားရည်ယိုရုံနဲ.အားမရ... ကိုယ်ပါလက်တည်.စမ်းချင်လာတာ။ ဪ...စိတ်များ အပြောင်းအလဲက အတော်ရှိတာကိုး။ သူတို့ရဲ့ အနုပညာမြောက်တဲ့ လက်ရာလေးတွေက motivate အရမ်းဖြစ်စေတာလဲပါတယ်။ OK... ရေးတာကတော့ ဟုတ်ပါပြီ။ ဘာကိုအခြေခံပြီးတော့ ဘာကိုရေးမှာလဲပေါ့။ အဲဒီလိုစဉ်းစားမိတော့ နည်းယူရအောင်ဆိုပြီး BLOGတကာကို အကြမ်းဖျင်းလေး ချေဦးလှည့်ဖြစ်ပါတယ်။ ဒီတခါမှာတော့ အားငယ်သလို ပြန်ဖြစ်သွားရပါတယ်...ဖြူတုတ်တော့ သူတို့တွေလို စီကာပတ်ကုံး ဘယ်လိုမှရေးတတ်မှာ မဟုတ်ဘူးပေါ့... စာဖတ်သူရဲ. မေတ္တ္တ္တာကိုတလုံးတဝခံရရုံပဲ ရှိ်မယ်ပေါ့။ ကိုယ်ကလည်:Sensitiveက ဖြစ်တတ်ပါဘိသနဲ.။ နောက်ဆုံးမှာတော့ ... 'ချည်တုံချတုံ ဖြစ်နေလို့တော့ အလကားပဲ။ စမ်းကြည့်မှသိမှာပေါ့' ဆိုတဲ. ဒေါ်လေးရဲ.စကားကြောင့်...စာဖတ်သူရဲ့ မေတ္တ္တ္တာ (သို့မဟုတ်) ပေးရာကိုခံယူဖို့အတွက် ဖြူတုတ်တစ်ယောက်တော့ Blogစာမျက်နှာပေါ်ကို စိုးရွံ့ရဲဝံ့စွာ ရောက်ရှိလို့လာပါပြီ။ ရှောင်လော့ရှားလော့... အဲယောင်လို့ ... အားပေးဝေဖန်ကြပါလို့။ တော်သေးပြီ။

ကျေးဇူးတင်ပါတယ်။

ဖြူတုတ်လေး

မှတ်ချက်။ ။ဖြူတုတ်လေ့လာဆဲမို့ စာစီမညီညာမှုကို သည်းခံပေးပါ။

ငါအခုမှသိတယ်...ငါတော်တော်ခေတ်နောက်ကျပါလား။

2009-09-22T23:42:00.000-04:00

ဒါလေးကတော့ Electrical Engineer သူငယ်ချင်း တစ်ယောက်ရဲ့ ညည်းချင်းလေးပါ။ သဘောကျမိလို့ သူ့ကိုခွင့်တောင်းပြီး Originalအတိုင်း တင်ပေးလိုက်ပါတယ်။ ဖတ်ပြီးရင်တော့ ... ဖြူတုတ်၊ မင်းကရောကွာလို့ မေးချင်လာကြ ပါလိမ့်မယ်။ အဖြေကို အောက်ဆုံးမှာ ရှူစားပါလို့။

Dude, I just realize that I’m so outdated…What about you?

While I’m still using Windows XP, the Windows 7 is here, I didn’t even know how Windows Vista screen looks like. It reminds the story of Windows ME…

When I’m still using Pentium 4 CPU and struggling if I should upgrade to Dual Core, the Core 2 and Quad Core CPUs are going to be replaced by i7. Today, for the first time, I heard that there was a Pentium D in between…

When I finally upgraded my AGP graphic card to the highest model that fits my motherboard, I realized this card can’t handle the latest game. People on PC forum are talking about if they should upgrade their PCI-E 16X graphic card from 1.0 to 2.0 version…

When I’m still playing the PS game on my PC, I heard Sony will launch PS3 slim version on September, and I have never play any PS2 and PS3 games...

When my 1st generation PSP is laying on my book shelf and being dust magnet, Sony told us to forget about the PSP slim and go buy a PSP 2.

When my friend told me that he couldn’t play the self-made DVD I sent to him because his DVD machine was an old model, the war between HD DVD and Blue-Ray DVD already ended last year and GE is testing their 500GB optical disk in their lab…

Finally, when I saw an old man was listening to his walkman on the bus, I smiled because this is the only thing that I catch up with the mainstream, I owned a diskman, the portable CD player and 9 MP3 players, but I missed MD player.

I sometimes question myself... am I outdated or the technology hijacks the sociality?

Author: Credit to Hanguang Huang

ဖြူတုတ်က သူ့ထက်အဖြစ်ဆိုးပါတယ်။ သူပြောတာရဲ့ လေးပုံတစ်ပုံလောက်ပဲ သိပါတယ်။ တော်တော်ဟုတ်တာပဲနော... ဟားဟား

ကျေးဇူးတင်ပါတယ်။

ဖြူတုတ်လေး

အများစုသောအပျိုကြီးလူပျိုကြီးတို့၏ စရိုက်လက္ခဏာများ

2009-09-22T22:46:00.000-04:00

ဖြူတုတ်ရေးတာမဟုတ်ပါဘူး။ သူငယ်ချင်းတစ်ယောက်က FORWARD လုပ်လိုက်တာပါပဲ။ ဖတ်ပြီး DELETE လုပ်လိုက်မဲ.အစား သူငယ်ချင်းတို့ မဖတ်ရသေးရင် ဖတ်ပြီး ရီပြုံးသွားနိုင်အောင် တင်ပေးလိုက်ပါတယ်။ အမလေး... ၈၈ ချက်ကြီးများတောင်ပါလား။

အများစုသောအပျိုကြီးလူပျိုကြီးတို့၏ စရိုက်လက္ခဏာများ

၁။ ဘာသာရေး ကိုင်းရှိုင်းတတ်သည်။

၂။ ဇီဇာကြောင်တတ်သည်။

၃။ တိရိစ္ဆာန်ကလေးများကို ချစ်တတ်သည်။

၎။ တူ၊တူမကလေးများကို အချစ်ကြီးတတ်ကြသည်။

၅။ တူ၊တူမကလေးများကို သူတို့လိုနေရန် တိုက်တွန်းတတ်ကြသည်။

၆။ ဆုံးဖြတ်ချက်တစ်ခုခုကျဘို့ အကြာကြီးစောင့်ရတတ်သည်။

ရ။ အမြဲလိုလို ဟိုဟာကောင်းနိုး၊ဒီဟာကောင်းနိုးရွေးရခက်နေတတ်သည်။

ဂ။ အဖေ၊အမေ ကို သူများထက် ပိုချစ်တတ်သည်။

၉။ ကိုယ့်ကိုကိုယ် လည်း သူများထက်ပိုချစ်တတ်သည်။

၁၀။ အချစ်၊အိမ်ထောင်ရေးအကြောင်း သူများထက် ပိုသိဟန် ပြတတ်သည်။

၁၁။ အချစ်၊အိမ်ထောင်ရေးအကြောင်း သူများထက် ပိုမိုစိတ်ဝင်စားတတ်သည်။

၁၂။ မိုးလေ၀သလို ခန့်မှန်းရခက်တတ်သည်။

၁၃။ လိုရင်းမရောက်ဘဲ ဝေ့လည်ကြောင်ပတ် ပြောတတ်သည်။

၁၄။ အတိတ်၊နမိတ် ၊တဘောင် တို့ကို ယုံကြည်တတ်သူများဖြစ်သည်။

၁၅။ မရွာသောမိုးကို မျှော်ကိုးတတ်သည်။

၁၆။ နှမြောတွန့်တိုသော်လည်း အလှူဒါန အပေးအကမ်း ရက်ရောတတ်သည်။

၁၇။ စိတ်ထားကောင်းသော်လည်း တဗျစ်တောက်တောက် ပြောတတ်သည်။

၁၈။ လူစိမ်းများကိုအားမကိုးဟန်ပြသော်လည်း ရင်းနှီးသူများကိုအားကိုးလွန်တတ်ကြသည်။

၁၉။ သီချင်း၊၀တု၊ရုပ်ရှင် (အနုပညာ)များကို နင့်နင့်နဲနဲ ခံစားတတ်ကြသည်။

၂၀။ တစ်ခုခုကိုကြိုက်မိလျှင်ဖြစ်စေ၊မကြိုက်လျှင်ဖြစ်စေ ပြောမပြီးတတ်ကြချေ။

၂၁။ အရှက်၊အကြောက် သာမန်ထက်ပိုကြီးတတ်သည်။

၂၂။ ဒိုင်ယာရီလိုစာအုပ်မျိုးကို ရေးဖို့ထက်သိမ်းထားဖို့ စိတ်ဝင်စားသူများဖြစ်တတ်ကြသည်။

၂၃။ အသက် မေးလျှင် (စိတ်တွင်းက) စိတ်ဆိုးနေတတ်ကြသည်။

၂၅။ ဗေဒင်၊လက္ခဏာ၊နတ် တို့ကို သူများထက် စိတ်ဝင်စားတတ်ကြသည်။

၂၆။ အတိတ်အကြောင်းကို လွမ်းမောနေလေ့ရှိသော်လည်း ထုတ်ဖော်ပြလေ့မရှိကြ။

၂ရ။ အစိုးရိမ်ကြီးတတ်၊ပူပင်သောကကြီးတတ်ကြသည်။

၂ဂ။ အပျိုကြီး၊လူပျိုကြီး ဟုအပြောခံရမှာကြောက်တတ်ကြသည်။

၂၉။ သို့ရာတွင် အိမ်ထောင်ရှင်ဟုအထင်ခံရမည်ကို ပိုပြီးကြောက်တတ်ကြသည်။

၃၀။ အိမ်ထောင်ပြုချင်နေသောသူ ဟု အထင်ခံရမည်ကိုကား အကြောက်ဆုံးဖြစ်သည်။

၃၁။ သရဲ ၊တစ္ဆေ ထက် လူ ကို ပိုကြောက်တတ်ကြသည်။

၃၂။ ဆွေမျိုးသားချင်းများကို အိမ်ထောင်ချပေးရန်မှာ သူတို့တာဝန်ဟု ထင်တတ်ကြသည်။

၃၃။ အိပ် လျှင် ကျယ်ကျယ်ပြန့်ပြန့်၊လွတ်လွတ်လပ်လပ် အိပ်ချင်ကြသည်။

၃၄။ စည်းစနစ်ကြီးသူများ ဖြစ်တတ်ကြသည်။

၃၅။ အိမ်ထောင်ထိန်းသိမ်းမှုတာဝန်ကို ချစ်မြတ်နိုးသူများဖြစ်တတ်ကြသည်။

၃၆။ ဖြစ်ကတတ်စမ်း နေလေ့ရှိသူများ မဟုတ်တတ်ကြပါ။

၃ရ။ ဓါတ်ပုံ(အလှပုံ)ရိုက်ရန် ၀န်လေးနေတတ်သူများဖြစ်သည်။

၃၈။ သူတို့အချစ်ကို အဝေးမှcelebrities များအပေါ် ပုံအောထားဟန်ပြုတတ်ကြသည်။

၃၉။ မိမိအားနည်းချက်ဟုတွေးထင်ထားသောအရာများ များပြားနေတတ်သည်။

၄၀။ မိမိအားနည်းချက်ဟုထင်သောအရာများကို ဖုံးဖိရန်ကြိုးစားတတ်ကြသည်။

၄၁။ မိတ်ဆွေအိမ်ထောင်ရှင်များကို အိမ်ထောင်ဝန်ပိနေသူများဟုထင်တတ်ကြသည်။

၄၂။ အစား ကောင်းကောင်းလုပ်စားတတ်ကြသည်။

၄၃။ မိမိစိတ်ခံစားချက်များကို ဖုံးကွယ် ၊ဖိနှိပ်ထားတတ်သူများဖြစ်ကြသည်။

၄၄။ အများအားဖြင့် ဟန်ဆောင်ကောင်းတတ်သည်။

၄၅။ တိတ်တိတ်ကလေးကြေကွဲနေတတ်သူများဖြစ်တတ်သည်။

၄၆။ မင်္ဂလာဆောင်များကို သွားရန်ဝန်လေးတတ်ကြသည်။

၎ရ။ ပြေးကြည့်ဘို့ထက် တွေးကြည့်ဘို့ ပိုအားသန်တတ်ကြသည်။

၎ဂ။ အလုပ်တွင်စိတ်ကိုနှစ်၍ ကြိုးစားတတ်သူများဖြစ်သည်။

၄၉။ ကိုယ့်ကိုကိုယ် ယုံကြည်မှုအားကြီးတတ်သည်။

၅၀။ ဘ၀တူ လူပျိုကြီး၊အပျိုကြီး စာရင်းကို ပြုစုထားရှိကာ အားတင်းထား တတ်ကြသည်။

၅၁။ ဘ၀ရည်မှန်းချက်ကြီးသူ များဖြစ်တတ်သည်။

၅၂။ ပညာရေးလိုဘကြီးတတ်ကြသည်။

၅၃။ မရေရာသော အကြောင်းပြချက်များ ဆွဲကိုင်ထားတတ်ကြသည်။

၅၄။ ထောက်ထားညှာတာစရာ များစွာ ရှိတတ်ကြသည်။

၅၅။ တစုံတခုတွင် နှစ်မြုတ်ရင်း မေ့ပင်အောက် ရောက်နေတတ်သည်။

၅၆။ ရွေးရင်းရွေးရင်းနှင့် နောက်ထပ်ရွေးစရာကိုထပ်မျှော်နေတတ်ကြသည်။

၅ရ။ မိသားစုအားလုံး၏တာဝန် ကိုယ့်တာဝန်ဟု မှတ်ယူတတ်ကြသည်။

၅၈။ ကိုယ်တိုင်သာမက အားလုံးကအကြိုက်ညီတာမျိုးကို ရှာဖွေတတ်သည်။

၅၉။ တစ်ယောက်ယောက်၏ မပေးရသေးသောမှတ်ချက်ကိုပင် ကြို၍ကြောက်တတ်သည်။

၆၀။ အပြစ်ရှာမြန်တတ်သည်။

၆၁။ တစ်နှင့်တစ်ပေါင်းလျှင် နှစ်ထက်ပိုကြီးနိုင်သည် ဟု လက်မခံလိုကြ။

၆၂။ ခံစားချက်မရှိသူ ဟုအပြောခံရမှာကြောက်တတ်ကြသည်။

၆၃။ ခံစားချက်ရှိသူ ဟုပြောလျှင်လည်း မကြိုက်တတ်ကြ။

၆၄။ ဘယ်တော့စားရမလဲ ဟုမေးလျှင် (စိတ်ထဲက) ကြေနပ် နေတတ်ကြသည်။

၆၅။ ပစ္စည်းများကို တစ်ယောက်ကိုင်အဖြစ်ပဲ သုံးချင်တတ်ကြသည်။

၆၆။ သိပ်ကြိုက်သည့်ပစ္စည်းဆိုရင် ပုံစံတူနှစ်ခုလောက်ဝယ်တတ်ကြသည်။

၆၇။ မည်သည့်အရာကိုမျှ ကိုယ် ကို တိုင်လောက် စိတ်မချချင်တတ်ကြပေ။

၆ဂ။ လူစိမ်းတွေကြားမှာ ခပ်တည်တည်ကြီးနေတတ်ကြသည်။

၆၉။ မိတ်ဆက်ပေးလျှင် ဟက်ဟက်ပက်ပက် မရှိတတ်ကြ။

၇၀။ ပထမဦးဆုံးတွေ့တာဖြစ်လျှင် ဆံပင်အစ၊ခြေသည်းအဆုံး ချက်စ်တတ်ကြသည်။

၇၁။ စားသောက်ဆိုင် တစ်ဆိုင်ရောက်လျှင် ပထမဦးဆုံးရေအိမ်ဝင်တတ်ကြသည်။

၇၂။ လူရှင်းရာနေရာ ရှာ၍ ပုဆိုး၊ထမီ ကိုဖြန့်ပြီး သေသပ်အောင်ပြင်တတ်ကြသည်။

၇၃။ နှုတ်ခမ်းနီ(သို့) ခေါင်းဘီး နေရာတကာ ယူတတ်ကြသည်။

၇၄။ အကျည်းတန်မဟုတ်သော်လည်း မှန်ကြိုက်တတ်ကြသည်။

၇၅။ မည်မျှမှန်ကြည့်ပြီးသည်ဖြစ်စေ အဆင်ပြေရဲ့လား ထပ်မေးတတ်သည်။

၇၆။ နောက်ကျောမလုံတတ်ကြချေ။

၇၇။ ထီ ကို လူမသိအောင် ထိုးတတ်ကြသည်။

၇၈။ ပိုက်ဆံ ကို လူမသိအောင် စုတတ်ကြသည်။

၇၉။ သီချင်းကို လူမကြားအောင် ဆိုတတ်ကြသည်။

၈၀။ သနပ်ခါး(မိတ်ကပ်)၊ပေါင်ဒါ(ခေါင်းလိမ်းဆီ) မရှိမဖြစ်ဆောင်တတ်သည်။

၈၁။ အချော့ကြိုက်တတ်ကြသည်။

၈၂။ စိတ်ကောက်မြန်တတ်ကြသည်။

၈၃။ စိတ်ပြေဘို့ အချိန်တော်တော်ကြာအောင် ယူတတ်ကြသည်။

၈၄။ အားလျှင် ခြေသည်း၊လက်သည်း သ နေတတ်ကြသည်။

၈၅။ စ တာ၊ နောက် တာ ကို အတည်ဟု မှတ်ယူတတ်ကြသည်။

၈၆။ ချစ်သူစုံတွဲယုယုယယနေတာကို မြင်ပြင်းကတ်တတ်ကြသည်။

ဂရ။ လိုတာမရ၍ မဟုတ်ပဲရတာမလို၍ဟူသောလက်သုံးစကားကိုတွင်တွင်သုံးတတ်သည်။

၈၈။ လူပျိုကြီး၊အပျိုကြီးဖြစ်ကြောင်း မကြေညာသော်လည်း သိနေစေချင်ကြသည်။

မှတ်ချက်။ ရေးတဲ. သူကိုသိရင်ပြောပါ။ Credit ပေးချင်လို့ပါ။

ဒီကျောင်းသားနာမည်ကိုသိပါသလား ?

2009-09-16T18:36:00.000-04:00

A friend of mine forwarded this interesting questions and answers to me. I enjoyed reading it so much that I am sharing with you all. I hope that you all will enjoy reading it. :)

One day, a professor of a university decided to defy his pupils.
တစ်ရက်မှာ တက္ကသိုလ်ဆရာတစ်ယောက်က သူ့တပည့်တွေကို စိန်ခေါ်ဖို့ ဆုံးဖြတ်လိုက်တယ်။

He asked: Did God create everything that exists?

ဆရာကမေးတယ် "တည်ရှိမှု့တွေအားလုံးကို ဘုရားသခင်က ဖန်တီးတာလား၊ "

A student answered bravely: "Yes, He did."

တပည့်တွေက ရဲရင့်စွာနဲ့ပြန်ဖြေတယ် " ဟုတ်တယ် "

Everything? asked the teacher.

ဆရာကထပ်မေးတယ်။ " အားလုံး "

Yes, "everything" was the answer of the student.

"ဟုတ်တယ်" " အားလုံး " လို့ကျောင်းသားအားလုံးကပြန်ဖြေတယ်။

In this case, God also created evil, correct? Because evil exists, said the teacher.

" ဒီကိစ္စမှာ ဘုရားသခင်က မကောင်းဆိုးဝါးတွေကိုလည်း ဖန်တီးတာပေါ့နော်။ ဘာဖြစ်လို့လဲဆိုတော့ မကောင်းဆိုးဝါးတွေက တည်ရှိနေတယ်လေ။ ဟုတ်တယ်မှတ်လား။ " ဆရာကပြောတယ်။

To that the student had no answer and remained in silence.

အဲဒါကို ကျောင်းသားတွေက ပြန်မဖြေနိုင်ကြပဲ ငြိမ်သက်နေကြတယ်။

The teacher was delighted at the opportunity to prove one more time that faith was only a myth.

ဆရာက ဒီအခွင့်အရေးကို ကျေနပ်စွာနဲ့ နောက်တစ်ကြိမ် ထပ်ပြီးအတည်ပြုတဲ့အနေနဲ့ ယုံကြည်မှု့သဒ္ဒါတရားဆိုတာ ဒဏ္ဏာရီတစ်ခုပါပဲလို့ ထပ်ပြောတယ်။

Suddenly, another student raised his hand and asked, "May I ask you a question, professor?"

ရုတ်တရက် ကျောင်းသားတစ်ယောက်က သူ့ရဲ့လက်ကို ဝှေ့ယမ်းပြီးတော့ " မေးခွန်းတစ်ခုလောက်မေးပါရစေ၊ ဆရာ "

'Of course,' was the answer.

" မေးပါ။ "

Does cold exist?

" အအေးဆိုတာတည်ရှိပါသလား "

Of course, answer the professor, Did you never feel cold?

" တည်ရှိတာပေါ့။ မင်းအေးတာကို မခံစားဖူးဘူးလား "

Actually, sir, cold does not exist. According to studies in Physics, cold is the total and complete absence of heat.

" တကယ်တမ်းတော့ အအေးဆိုတာမတည်ရှိပါဘူး။ ရူပဗေဒ သဘောတရားအရ အအေးဆိုတာ အပူလုံးဝ မရှိခြင်းပါ "

An object can only be studied if it has and transmits energy and it is the heat of and object that transmits it's energy.

" အရာဝတ္ထုတွေက စွမ်းအင်ထုတ်လွှင့်မှု့ကြောင့်ဖြစ်လာတာပါ။ အအေးဆိုတာ အပူရဲ့ စွမ်းအင်ထုတ်လွှင့်မှု့ကြောင့်ဖြစ်ပေါ်လာတာပါ။ "

"Without heat, the objects are inert, incapable to react. But cold does not exist. We created the term 'cold' to explain the lack of heat."

" အပူမရှိရင် အရာဝတ္ထုတွေဟာ ဓာတ်မပြုနိုင်ဘူး၊ တုန့်ပြန်မှု့စွမ်းရည်မရှိနိုင်ဘူး။ ဒါပေမယ့် အအေးဆိုတာမတည်ရှိပါဘူး။ ကျွန်တော်တို့တွေက အပူကင်းမဲ့မှု့ကို ဖော်ပြချင်တဲ့အတွက် အအေးဆိုတဲ့ ဝေါဟာရကို ဖန်တီးလိုက်ခြင်းဖြစ်တယ်။ "

"And darkness?", continued the student.

" နောက်ပြီးတော့ အမှောင်ဆိုတာ " ကျောင်းသားက ဆက်ပြီးပြောတယ်

"It exists." reply the professor.

" အဲဒါတည်ရှိတယ် " ဆရာက ပြန်ပြောတယ်။

Again, you're wrong sir, darkness is the total absence of light.

" ဆရာ ထပ်မှားပြန်ပြီ၊ အမှောင်ဆိုတာ အလင်းလုံးဝမရှိတော့ခြင်းပါပဲ "

You can study light and brightness, but not darkness.

" ကျွန်တော်တို့တွေက အလင်းနဲ့ တောက်ပခြင်းကို သင်ယူလေ့လာလို့ရပါတယ်။ ဒါပေမယ့် အမှောင်ကိုတော့ လေ့လာလို့မရပါဘူး "

The prism of Nichos shows the variety of different colors in which the light can be decomposed according to the longitude of the wave.

့ လှိုင်းအလျားအတို အရှည် တွေပေါ်မူတည်ပြီး ကွဲပြားတဲ့ အရောင်တွေဖြစ်ပေါ်လာပုံကို သက်တံဖြာစေတဲ့ကိရိယာကိုသုံးပြီးတော့ ရှင်းပြခဲ့တယ်။

"Darkness is the term we created to explain the total absence of light."

" အမှောင်ဆိုတာလည်း အလင်းလုံးဝမရှိတော့ခြင်းကိုဖော်ပြလိုတဲ့အတွက် ကျွန်တော်တို့ ဖန်တီးခဲ့ခြင်းဖြစ်ပါတယ်။ "

And finally, the student asked: "And evil,sir, does evil exist?"

နောက်ဆုံးတော့ ကျောင်းသားကမေးတယ် " မကောင်းဆိုးဝါးဆိုတာ တည်ရှိပါသလား "

God did not create evil, 'Evil' is the absence of God in people's heart, it is the absence of love, humanity and faith.

" ဘုရားသခင်က မကောင်းဆိုးဝါးကို မဖန်တီးခဲ့ပါဘူး။ မကောင်းဆိုးဝါး ဆိုတာ လူတွေရဲ့နှလုံးသားထဲမှာ ဘုရားသခင်လုံးဝမရှိတော့တာ၊ ချစ်ခင်ခြင်း၊ ကိုယ်ချင်းစာတရား၊ ယုံကြည်မှု့သဒ္ဒါတရားစတာတွေ လုံးဝမရှိတော့တာကို ဆိုလိုခြင်းဖြစ်တယ်။ "

Love and faith are like heat and light. They exist.

ချစ်ခင်ခြင်းနဲ့ ယုံကြည်မှု့သဒ္ဒါတရားဆိုတာ အပူနဲ့ အလင်းလိုပါပဲ။ သူတို့တည်ရှိတယ်။

"Their absence lead to evil."

အဲဒါတွေမရှိတော့ခြင်းက မကောင်းဆိုးဝါးဖြစ်စေတာ

Now it was the professor's turn to remain silence.

အခုတော့ ဆရာ့အသံတိတ်တဲ့အလှည့်ရောက်သွားပြီ။

ဒီကျောင်းသားနာမည်ကိုသိပါသလား ?

The name of the student was

ALBERT EINSTEIN.
(အယ်လ်ဘတ်အိုင်းစတိုင်းလေ)

ကျေးဇူးတင်ပါတယ်။

ဖြူတုတ်လေး

Love Medicine

2009-09-16T17:55:00.000-04:00